خاتوو شانازو ئیلهام ئەحمەد: دەبێت دان بە زمان و كلتوری كوردیدا بنرێت

راگەیاندنی خاتوو شاناز

خاتوو شانازو ئیلهام ئەحمەد

خاتوو شاناز ئیبراهیم ئەحمەد، لەئۆفیسی تایبەتی خۆی لەشاری سلێمانی پێشوازی كرد لەسیاسەتمەداری كورد خاتوو ئیلهام ئەحمەد بۆ نزیككردنەوەی دیدگا سیاسییەكان و داكۆكیكردن لە مافە ڕەواكانی گەلی كورد. 

لەدیدارەكەدا تاوتوێی دۆخی سیاسی و كارگێڕی ئێستای سوریا و رۆژئاڤای كوردستان كرا سەرباری پێگەی كورد لەهاوكێشە ئیقلیمییەكان و هەوڵەكان بۆ چەسپاندنی مافە بنەڕەتیەكانی لەپێناو هێنانەدی سەقامگیری ناوچەكە هەروەك میكانیزمەكانی بەرەوپێشچوونی ئەزمونەكانی بەرێوەبردن و بەشداری كارای ژنان لەسیاسەت و دامەزراوەكانی دەوڵەتدا. 

لەدیداری هەردوو ژنە سیاسەتمەداری كورد خاتوو شاناز و خاتوو ئیلهامدا جەخت لەوەكرایەوە كەدەبێت دان بە زمان و كلتوری كوردیدا بنرێت و كار بۆ چەسپاندن و جێبەجێكردنی ئەو بڕیارانە بدرێت كەلەسەر ئەرزی واقیع هێشتا ماویەتی و پێویستی بە میكانیزمی ڕوون هەیە.

PUKMEDIA