riklam

مەڵبەندی دیراسات و پەیمانگای توێژینەوەی ڕۆژهەڵاتی ناوەڕاست یاداشتنامەی لێکتێگەیشتن ئیمزا دەکەن

کوردستان 03:59 PM - 2026-11-11
لۆگۆی مەڵبەندی دیراساتی گشتی یەکێتیی نیشتمانیی کوردستان و پەیمانگای توێژینەوەی ڕۆژهەڵاتی ناوەڕاست PUKMEDIA

لۆگۆی مەڵبەندی دیراساتی گشتی یەکێتیی نیشتمانیی کوردستان و پەیمانگای توێژینەوەی ڕۆژهەڵاتی ناوەڕاست

مەڵبەندی دیراساتی گشتی یەکێتیی نیشتمانیی کوردستان و پەیمانگای توێژینەوەی ڕۆژهەڵاتی ناوەڕاست یاداشتنامەیەکی لێکتێگەیشتنی ستراتیژیان لە چەندین بواردا ئیمزا کرد.

لە چوارچێوەی هەوڵە بەردەوامەکان بۆ پتەوکردنی پەیوەندییە زانستی و ئەکادیمییەکان لەسەر ئاستی نێودەوڵەتی، مەڵبەندی دیراساتی گشتیی یەکێتیی نیشتمانیی کوردستان و پەیمانگای توێژینەوەی ڕۆژهەڵاتی ناوەڕاست لە زانکۆی شەنگەهای بۆ دیراساتی نێودەوڵەتی (SISU) بە رەسمی یاداشتنامەی لێکتێگەیشتنی نێوانیان پەسەند کرد.

یاداشتنامەکە دەرەنجامی چەندین کۆبونەوە و گفتوگۆ هاوبەشی نێوان هەردوولایە و وەک هەنگاوێکی ستراتیژی دەبێت بۆ هەماهەنگی زانستی لە چەند بوارێکی سەرەکیدا، لەوانە:
ئەنجامدانی توێژینەوە و لێکۆڵینەوەی زانستیی هاوبەش، ئاڵوگۆڕی ئەزموونی ئەکادیمی، سازدانی سیمینار و کۆڕی زانستی و ڕەخساندنی دەرفەتی خوێندن و ڕاهێنان و پەرەپێدانی تواناکان.

هەماهەنگییەکە دوای ئەوە دێت کە هاوینی ئەمساڵ مەڵبەندی دیراساتی گشتی لە بارەگای مەکتەبی سیاسیی یەکێتیی نیشتمانیی کوردستان پێشوازی لە وەفدێکی ناوەندەکانی توێژینەوەی چین کرد و لە کۆبوونەوەکەدا هەردوو لایەن گفتوگۆیان لەسەر فراوانکردن و پتەوکردنی پەیوەندییەکان و کاری هاوبەشی نێوانیان بەتایبەت لەسەر ئاستی زانستی، ئەکادیمی و کەلتوری کردەوە.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket