Şehabê ser çiyan xemxwerê doza jiyan

.

Şehabê ser çiyan bi çek û hêza xwe ya laşî parêzvanê doza giran û jiyan bû, bi pênûs û hizra xwe fedekarê parastina gotina azad û mafdar û xemxwerê doza rewa bû.

Di dîroka gelê kurd û Kurdistanê de herdem kesayetiyên mêrxwes û jêhatî û bê wêne jib o parstina rastiya doza rewa a gelê kurd û Kurdistanê derketine ku bûne mûma azadî û serfiraziyê û xwe kirine bi fedayê riya azadiya gelê xwe û dara azadiya doza rewa ya kurd û Kurdistanê bi xwîna xwe dane avdan.

Di dîrokê de pir caran kesayetiyên ne rast û xayîn jî derketine û ziyanên pir mezin û bê wêne gihandina doza gelê kurd û tevilheviyên mezin û wêranker dane çêkirin.

Li her çar parçeyên Kurdistanê kesên xemxwerê doza rewa yê gelê xwe bûne, bi hemû awayî xwe dane pêş û jiyana xwe jib o parastina doze pir erzan û xistine metirsiyan tako ew rê bê parastin.

Li gorî rastiya mirovên çalakvan û berhemdar û jêhat û naskirî, yek ji wan kesan pêşmerge û rojnamvanê navdar û naskirî yê kurd kak (Şehab Osman) e ku tevahiya jiyana xwe ji bo parastina doza rewa ya gelê kurd û gotina azad terxan kiriye û hem bi çek û hem bi pênûsa xwe û deng û liva xwe bi dehan salan dirêjpêderê xebata netewî û nîştimanî ya gelê kurd û Kurdistanê bû.

Wek tê zanîn ku nemir û rewaşad Şehab Osman erkên xwe yên netewî û kurdperwerî û mirovdostî û jiyanî li hemberê dîrok û doza gelê kurd û Kurdistanê pêkanî û ew bi wîjdanê rihet derbasî deriyê dunyaya dawî bû ku êdî wê giyan û rewana wî şad û kemeran be.

Ji ber ku wî hem di ciwantiya xwe de, bi çek û hêza laşê xwe liva xwe tev xiste xismeta riya rizgariya doza gelê kurd û di jiyana çiyan de dirêjpêder bû heya derbasbûna ji jiyana bajar û gundwarên Kurdistan û heya gihîştin bi welatên Ewropayê û dirêjpêderî bi tekoşîn û xebata rojnamegerî û nivsên û lêkolîn û karên pir hêja ku di heman demê de, hem peyamnêrê PUKmedia, hem peyamnêr radyoya Dengê Gelî Kurdistan û endamê kara yê Sendîkaya Rojnamevanên Kurdistasnê bû ye.

Bi vê rengî, mirov dikane bibêje ku kakê Şehab tevahiya jiyana xwe xistiye xizmeta doza gelê kurd û Kurdistanê û ti carî dûrketin ji erkên li ser milên xwe nekirî parê xwe, bi berevajayî wê yekê, herdem xwe daye pêş û xwedî li erkên xwe ên ku li ser milêm wî derketiye û hem di serdema çiyan û hem di serdema bajar û bajarvaniyê de ku tekoşçna çekdarî heya ya demokrasî û sivîlî her xwedî rol û helwest bû ye.

Hozan Efrînî