Dezgeha Kurdsat dest bi kempîna hevkariya kurdên Bakur û Rojavayê kir

DGK

Dezgeha Kurdsat hevkariyê kom dike

Dezgeha Kurdsatê alîkarî kom dike û rêxistina Hawarê ya Civaka Sivîl jî spas dike û dibêje mixabin ev alîkarî naghîne bajarê kurdî yê herî ziyan lêketiye ku Jindirêsê ye.

Îro roja sêşemê 7-2-2023`an, Dezgeha medya ya Kurdistanê dest komkirina alîkarî û hevkariyên mirovî kir û wê di demeke nêzîk de rewaneya Bakur û Rojavayê Kurdistanê bê kirin.

Di wê barê de, qayîmeqamê Silêmaniyê Awat Mihemed di kongireyeke rojnamevaniyê de ragiahnd: "Hemû dem xelkê bajarê jiyanê ji bo alîkariya kurdên beşên din ên Kurdistanê her çi pê tê kirin dikin û herdem helwestê wan hebû ye".

Di dirêjahiya daxuyaniya xwe de, Awat Mihemed dazanîn: "îro jî li bajarê Silêmaniyê kempîna bihawarçûna kurdên Bakur û Rojavayê Kurdistanê dest pê kir ku wê alîkarî û pêdewistiyên tê xwestin kom bikin û em wek qayîmeqametiya Silêmaniyê piştgiriya vê kempçnê dikin".
Her weha di vê barê de, endama desteya bilind a rêxistina Hawarê Roşîn Serêkanî ji PUKMEDIA`yê re ragiahnd: "Gelek spas ji bo hewlên Dezgeha Medya ya Kurdsatê ku ev kempîn dest pê kir û ev cihê rêz û pêzanînê ye, her weha xelkê Silêmaniyê herdem wiha kar kirine û piştîvaniya Rojavayê Kurdistanê kirine û dikin, lê mixabin wek em nas dikin ku ev alîkarî wê neghêje kurdên me ên ku li bajarê Jindirêsê ya Efrînê ku bi sedan heya niha di bin bîna û avahiyan de mane û ti kes û alî û hikûmet alîkariya wan nakin û nekirine".

PUKMEDIA