Trump: Agirbesta bi Îranê re windakirina demê bû

PUKMEDIA

Serokê Amerîkayê Donald Trump

Serokê Amerîkayê radigihîne: Agirbesta havîna borî ya bi Îranê re windakirina demê bû û di demekî nêzîk de rûbirûbûna di navbera me de diqede.

Donald Trump, Serokê Amerîkayê di çarçoveya civînekê de ji bo hilbijartinên nîvê xula Kongreyê ku biryare di 3yê Mijdarê de bê lidarxistin, ragihand: Me li ser agirbesteke demkî ku gelekî ne bi dilê min bû, min di nêrîna xwe de digot ew windakirina demê ye, me rê da çend keştiyan ku ji Tengava Hurmizê derbas bibin, me dixwest em baş bin, lê niha heta ku ez agahdar im, her windakirina demê bû.

Wî her wiha ragihand: Amerîkayê ti hilbijartineke din nebû, diviyabû ev kar gelekî berê bihata kirin û ya ku niha diqewime jî dê gelekî bi lez biqede.
Ji aliyekî din ve, Ebas Êraqçî, Wezîrê Derve yê Îranê berê tekezî li ser berdewamiya peywendiyên nerasterast bi Waşingtonê re bi rêya navbeynkarên kiribû û amaje bi wê yekê kiribû ku Amerîka hewl dide şertên nû ji bo pêşniyara Îranê ya derbarê agirbest û rêdan bi vekirina Hurmuzê zêde bike.

Ev daxuyaniyên Trump di demekê de ne ku hewldanên dîplomatîk ji bo pêşîgirtina li serhildana nû ya rûbirûbûneke leşkerî ya berfireh berdewam in, doh Tehranê mêvandariya danûstandineke ligel berpirsên bilind ên Siûdî, Pakistan û Tirkiyeyê kir bi armanca kêmkirina aloziyan û avakirina kenaleha danûstandinê.

PUKMEDIA