Talebanî: Hevahengiya medya û navendên fêrbûnê gelek guncaw e

PUKMEDIA

Cîgirê Serokwezîr Qubad Talebanî

Merasîma Îmzekirina Memorandumê  di navbera Zanîngeha Silêmanî, Zanîngeha Polîteknîk a Silêmaniyê û Ajansa Medyayê ya Westga News de bi rêve çû.
Îro Yekşemê 12-2-2023, bi amadebûna Qubad Talebanî, Cîgirê Serokwezîr, parêzgarê Silêmaniyê rêheval Ebûbekir, serokên zanîngehên Silêmaniyê û zanîngeha Polîteknîk a Silêmaniyê û serokê Ajansa Medyayî ya Nûçeyan a Westgayê, merasîma Îmzekirina Memorandumê  di navbera Zanîngeha Silêmanî, Zanîngeha Polîteknîk a Silêmaniyê û Ajansa Medyayê ya Westga News de birêve çû.
Alîkarê Serokwezîr Qubad Talebanî di axaftina xwe ya li merasîmê de got:“Ji bo min kêfxweşiye  ku navenda akademîk û medyayê bi hev re dixebitin û ragihand:  “Çapemenî ne tenê cihê belavkirina nûçeyan e, divê çapemenî mirovan hişyar bike’’.
Talebanî got: "Zanîngehên me ne tenê cihên derçûn û belavkirina xwendekaran in, divê ew cihên fêrbûn û bilindkirina hişyariyê bin,her wiha da zanîn :’’Zanîngehên me beşek ji civakê ne, divê bibin beşek ji geşepêdana aborî ya herêmê û hişyarkirina civakê’’.
Wî zêde kir:“Agahdarkirin û bilindkirina hişmendiyê cewherê karê ragihandinê ye, hemahengiya di navbera medya û navendên fêrbûnê de gelek guncaw e û ev proje cihê pesindayînê ye.
Talebanî da zanîn :"Medya demeke dirêj e ji bo şer, ji bo êşandina hev û belavkirina nefretê û tevlihevkirina rewşek ku bi serê xwe tevlihev e, çandek ku em hemî beşek ji wê çandê bûn, tê bikar anîn, çi nûçeyên balkêş bin, zêdetir temaşevan, guhdar û xwendevan hene, lê bi projeya Station Class em dikarin vê çanda gemar ji holê rakin û ciwanên xwe teşwîq bikin ku bikolin û fêr bibin.”
Alîkarê Serokwezîr got: "Ez li benda dersan im û ez bawer im ku ez ê tiştek ji wan fêr bibim. Ez hêvî dikim ku Station Class bibe alîkar ku kesên xwedî niyeta xerab û metirsîdar pozîsyona xwe ji bo xapandina gel bikar neynin, ".
PUKMEDIA