Merasîma şehîdên Cindirêsê li Encûmena Penaberan birêve çû

Encûmena Penaberên Kurd

Serxweşî û behînameya Rojavayê Kurdistanê

Rêûfermiya behînameya şehîdên erdheja Rojavayê Kurdistanê li bajarê Silêmaniyê birêve çû.
Roja 12-2-2023`an yekemîn roja pirse û serxweşiya qurbanî û şehîdên herêma Efrînê ya Rojavayê Kurdistanê ku di encamê de, bajarê Cindirêsê û 6 gundwarên wê di encama erdheja 6-2-2023`an de, bi piranî hatin rûxandin.Her weha îro jî 13-2-2023`an merasîm di baregeha Encumena Penaberên Kurdên Rojavayê Kurdistanê de berdewam bû ku wê sibê roja 14-2-2023`an bi dawî bibe.

Her weha di wê rêûfermiya bîranîna şehîdên erdheja Efrînê de, bi amadebûna sê malbatên şehîdan (Mistefa Ebdo, Elî Şahîn Yunis û Cîhan Erif Reşîd) şandeke Yekîtiya Nîştimanî ya Kurdistanê (YNK)ê bi serokatiya heval Ceza Seyid Mecîd beşdarî wê merasîmê bûn, di wê barê de, heval Ceza Seyid Mecîd hevxemî û hevsozî û xembariya xwe ji bo qurbanî û şehîd û birîndar û ziyanmendên kareseta mezin a erdheja Cindirêsê û gundawarên wê ji serokê Encumena Penaberên Kurdên Rojavayê Kurdistanê Hozan Efrînî re nîşan da û piştgiriya xwe û ya YNKê ji bo Encumena Penaberan û malbat û xwediyên qurbanî û şehîd û birîndarên erdheja li Efrînê dupat kir.

Şandeyên partî û aliyên siyasî û sivîlî û hikûmî û ne hikûmî beşdarî rêûfermiya serxweşiyê kirin û ew şandeyên beşdarbûne ev in:

Şanda Yekîtiya Nîştimanî ya Kurdistanê (YNK)ê bi serokatiya heval Ceza Seyid Mecîd

Şanda Mekteba Sekirteriyeta Serok Mam Celal bi serokatiya heval Şerîf Ehmed

Şanda rêvebiriya Asayîşa Giştî ya Silêmaniyê bi serokatiya Emîd Tariq Şêx Salih

Şanda Rêveberiya Xweser a Rojavayê Kurdistanê bi serokatiya Evîn Siwîd

Şanda Partiya Demokrata Pêşverû ya Kurd li Sûriyê bi serokatiya Elî Şemdîn

Şanda Komeleya Rêxistinên sivîl li Silêmaniyê bi serokatiya Berhem Serdar Qeredaxî

Şanda Rêxistina Honer Omer Sûrçî bi serokatiya Huner Omer Sûrçî

Şanda Encumena Bilind a Zerdeştiyên Kurdistanê bi serokatiya Azad Seîd

Şanda Rêxistina Baranan ya alîkariyên Mirovî bi serokatiya Simko Cebarî

Şanda Rêxistina Hawar ya Civaka Sivîl bi serokatiya Dawud Çîçek

Şanda Kenîseya Amarîkî Ababatayîs bi serokatiya şivanê dêrê Hesen Ehmed

Şanda Kompaniya Bomîllo bi serokatiya Cîgir Seydo

PUKMEDIA