YNK plana şovenîst a li Kerkûkê pûç kir

PUKMEDIA

Erdên çandiniyê li Kerkûkê

Yekîtiya Niştimanî ya Kurdistanê (YNK) planeke şovenîst li Kerkûkê têk bir û ew axên ku ji aliyê hêzên artêşa Êraqê ve hatibûn dagîrkirin, nehişt û radestî xwediyên wan ên kurd û tirkmên kir.
Berpirsa baregeha 18 ya Yekîtiya Niştimanî ya Kurdistanê (YNK) li rojhilatê Kerkûkê Avesta Şêx Mihemed ji PUKMEDIA’yê re ragihand: “Piştî ku hejmarek cotkarên kurd û tirkmên ên Kerkûkê agahdar bûne ku hêzeke artêşa Êraqê êrişî zeviyên wan kiriye li gundê Topzawa ya ser bi parêzgeha Kerkûkê, me hevdîtin bi wan re kir û  daxwazên wan li ser navê YNKê bi rêya Wezîrê Dadê yê Êraqê Xalid Şivanî li serpişka YNKê ,pirsgirêk çareser kir."
Herwaha got: YNK parêzvanê mafê hemû pêkhateyên Kerkûkê ye û rê nade ti erebekî şovenîst ku hizra xwe ya teng a şovenîst li Kerkûkê pêkbîne û zulmê li pêkhateyên din ên Kerkûkê bike.
Avesta Şêx Mihemed got: "Erdên bêşa cotkarên Kurd û Tirkmen ku artêşa Êraqî dixwest dagir bike, kadastroya reş heye di destê xwediyê wan de   û wan bi gelek pereyan li ser wê proje ava kirine û dahateke rojane ya girîng e ji bo wan ."
Erdên ku hêzên artêşa Êraqê hewl da dagir bike bi sedan donim erd e û ji sala 2003an vir ve di destê xwediyên wan kurd û tirkimên da ye,her çendî hêzên artêşa Êraqê hewla dagîrkirina zeviyan dan, lê hewlên Yekîtiya Niştimanî ya Kurdistanê (YNK) ew pîlan pûç kir û YNKê jî hemû piştgirya xwe bo cotkaran nîşan da û niha cotkar li ser zeviyên xwe berdewam in.
PUKMEDIA