Jin ji ber kêmbûna mafên xwe "hikûmetê" sûcdar dikin

Kurdistan 06:25 PM - 2023-02-20

Mafên jinan

Amerîka ji ber kêmbûna mafên jinan li Herêma Kurdistanê nîgeran e û endamekî Parlemena  Herêma Kurdistanê jî dibêje: “Desteya kargêrî, hikûmet pişka sereke di binpêkirina mafên jinan li Herêma Kurdistanê ye. "

Hikûmetê mafên jinan binpê kiriye

Parlamentera Fraksiyona YNKê ya Parlamentoya Kurdistanê Rojan Hema Kerîm ji malpera fermî ya Yekîtiya Niştimanî ya Kurdistanê (PUKMEDIA) re ragihand: "Li Herêma Kurdistanê paşketineke mezin di warê mafên jinan de heye û heta parlamento bi xwe jî bûye berpirsê binpêkirina mafên jinan, bi taybet dema ku bi hincetên cuda rê nehat dayîn proje yasaya tundûtûjiya nav malbatê li parlamentoyê were guhertin."
Rojan Hema Kerîm got: "Tevî ku rêjeya jinan di parlamentoyê de yasayî ye, lê tişta ku li ser asta hikûmetê tê dîtin, careke din mafên jinan tê binpêkirin û ti post ji jinan re di asta bilind de nehatiye dayîn."
Di vê kabîneyê de mafên jinan hîn zêdetir hatiye binpêkirin
Li Herêma Kurdistanê daketineke eşkere di warê mafên jinan de heye, bi taybetî di vê kabîneyê de, ku rûyê ne  baş  yê herêmê li hember demokrasiyê nîşan dide û navendên dîplomatîk û rêkxistinî li ser kêmbûna mafên jinan li herêmê nîgeran in.
Di berdewamiya axaftina xwe de got: “Binpêkirina mafên jinan di vê kabîneyê de zêde bûye û desthilata cîbicîkar ku hikûmet e, sedema sereke ya paşvemayîna mafên jinan e, ku ev yek jî aliyekî ne  baş  yê rewşa navdewletî ya Herêma Kurdistanê nîşan dide.

Ev kabîne rengdana  jinan nîşan nade

Divê jin %30 ji wezîfeyên hikûmetê bi dest bixin, lê ev maf ji aliyê hikûmetê bi xwe ve hatiye înkarkirin û di pratîkê de nehatiye bicihanîn, di vê kabîneyê de ronîkirina jinan nîne.
Endama encûmena parêzgeha Silêmanî  Niaz Ehmed ji PUKMEDIA re ragihand: “Hikûmet destê xwe di binpêkirina mafên jinan de heye, her çend me gelek caran daxwaz kiriye ku %30 ji postên hikûmetê bo jinan be, lê hikûmetê ti bersiv nedaye daxwaza me.
Niyaz Ehmed got: “Niha li Herêma Kurdistanê zewaca jina duyemîn ji aliyê mêran ve binpêkirineke din a mezin a mafên jinan e, ku rêxistinên jinan û heta hikûmet jî li hember wê bêdeng in.
Wê got: “Binpêkirina mafên jinan zêdetir di vê kabîneyê de xuya dike û her roj em dibînin ku jin têne kuştin û kujerên wan bi eşkereyî têne parastin, tevî ku çendîn gilî li ser wan hatine kirin û nehatine girtin”.

Civak jî sedem e

Civak jî sedemeke din a binpêkirina maf û kevneşopiyên civakê li ser jinan hatiye ferzkirin û roj bi roj rewşa jinan dikeve xeteriyê.
Xebatkara Zanîngeha Silêmaniyê Hana Hema Emîn ji malpera fermî ya Yekîtiya Niştimanî ya Kurdistanê (PUKMEDIA) re ragihand: “Weke jin ez hest dikim ku hinek mafên jinan ji aliyê civakê bi xwe ve tên binpêkirin û civakê hîn adet li ser jinan ferz kiriye ku mafên jinan sînordar kirine.”
“Yasayên Herêma Kurdistanê ji bo hemû kesan ne yek in û gelek kes hene ku tevî tawanên li dijî jinan, ji qanûnê rizgar bûne,ti serweriya qanûnê nebû û nekarîn bên girtin. Sedema sereke ya rewşa niha ya jinan li Herêma Kurdistanê ev e." Hana Hama Emîn got.
Wê got: “Rewşa jinan li Herêma Kurdistanê roj bi roj metirsîdartir dibe û pişka sereke ya vê metirsiyê dikeve ser milê desthilata cîbicîkar ku hikûmet e.
Serkonsolosxaneya Amerîkayê li ser rûpela xwe ya Facebookê bi devê Konsulê Giştî yê Amerîkayê Ervin Hicks got: "Welatê wî nîgeran e ji ber kêmbûna mafên mirovan û mafên jinan li Herêma Kurdistanê û em binpêkirina mafên mirovan bi hovane dibînin."
PUKMEDIA