Talebanî: Ji bo jinavbirina rûtîn pêwîstiya me bi ezmûna Hindistanê heye

PUKMEDIA

Qubad Talebanî û Asaf Seîd

Cîgirê Serokwezîr Qubad Talebanî pêşwaziya Sekreterê Wezareta Derve ya Hindistanê Asaf Seîd kir û behsa çawaniya pêşxistina peywendiyên navbera Herêma Kurdistanê û Hindistanê kir.
Civîna roja sêşemê 21.02.2023ê li bajarê Hewlêrê bi amadebûna Cîgirê Berpirsê Fermangeha Peywendiyên Derve ya Herêma Kurdistanê Daban Şadala û Balyozê Hindistanê û Konsulê Hindistanê hat gotûbêjkirin û di civînê de behsa çaksaziyê û proseya sazî û dezgehên hikûmeta elektronîk hat kirin.
Di vê derbarê de, Qubad Talebanî amaje bi pêşketinên Hindistanê di warê hikûmeta elektronîk de kir û got: Herêma Kurdistanê pêwîste ezmûna dewlemend ya Hindistanê bikar bîne da ku pêngavên proseya hikûmeta elektronîk bi serkeve ji bo jinavbirina rûtîn û bertîlgirtinê.
Di beşeke din ya civînê de, Qubad Talebanî behsa pêwîstiya birêxistinkirina sîstema bankê  ya elektronî kir û di vê çarçoveyê de, Hindistan gelek pêşketiye, daxwaza hemahengiyê kir.
Sekreterê Wezareta Derve ya Hindistanê Asaf Seîd dilxwaziya welatê xwe ji bo pêşxistina peywendiyên li gel Herêma Kurdistanê nîşan da û got: Em amade ne di warê veguhestina ezmûna welatê xwe ji bo serkeftin û pêşxistina hikûmeta elektronîk alîkariya hikûmeta Herêma Kurdistanê bikin.
PUKMEDIA