Şîrketek li Hewlêrê ji ber rexnekirinê hat girtin

PUKMEDIA

Serdar Azad xwediyê Şîrketa Amlak e

Xwediyê şirketekê li Hewlêrê ji ber belavkirina vîdyoyekê ku daxwaza xweşkirina bajêr dike, bê qanûn û dadgeh şaxên wê girtin."Eger şirketa wî di zûtirîn dem de şaxên xwe venekin, ew ê biçe derveyî welat."  Konsulxaneya Amerîkayê pêştir hişyarî dabû li ser binpêkirina mafên mirovan li Herêma Kurdistanê û astengkirina azadiya ramanê li herêmê.
Serdar Azad xwediyê kompanya Amlak li Hewlêrê di kongreyeke rojnamevanî de ragihand: Duh min di vîdyoyekê de rexne li parka bilbilan girt û got pêwîste were nûjenkirin, lê îro rêveberê endezyariya parkên Hewlêrê telefonî min kir,wî ji min xwest ku vîdyoyan jêbikim, piştî jêbirinê Qayîmaqamê Hewlêrê biryara girtina 4 ofîsên kompaniya me da û 12 karmend jî bêkar man.”
Wî zêde kir:“Piştî ku min pêwendî bi Qayîmaqamê Hewlêrê Nabaz Ebdulhemîd re kir, ji min re got, ger hûn dilê rêveberê endezyariya parkê çak  nekin, ofîsên we nayên vekirin . Dipirsim dibe nanê bibirin ? Ger kesek li pişt min hebûya nikarîbû bigirtana.”
"Ger li vî welatî serokwezîr û dozger hebin, çima vê neqanûnî qebûl dikin? Ger ji roja şemiyê ve buroyên me neyên vekirin, ez ê deriyan bişkînim û ji vî welatî biçim."
"Min parkek rexne kir û wan şirket girtin. Ger ez hikûmetê rexne bikim dibe ku careke din min nebînin."wiha got 
Konsulxaneya Giştî ya Amerîkayê li Hewlêrê pêştir ragihandibû, ku Amerîka dilgiran e ji ber kêmbûna mafên mirovan, azadiya derbirînê û mafên neteweyan li Herêma Kurdistanê.
PUKMEDIA