Talebanî: Divê hilbijartin neyên paşxistin

PUKMEDIA

Cîgirê Serokwezîr û Konsulê Giştî yê Tirkiyê li Herêma Kurdistanê

Cîgirê Serokwezîr Qubad Talebanî ragîhand; Divê êdî hilbijartin neyên paşxistin û bi awayekî adil bên amadekirin û mafên hemû civakan li ber çavan bên girtin.
Cîgirê Serokwezîr Qubad Talebanî îro li Mekteba Siyasî ya li Hewlêrê bi Konsulê Giştî yê Tirkiyê li Herema Kurdistanê  Mihemed Mewlod Yakut re civiya û pêşhatên dawî yên siyasî gotûbêj kirin.
Di destpêka hevdîtinê de, Qubad Talebanî hevxemiya xwe ji Konsulusê Tirkiyê re bi helkefta karesata erdheja vê dawiyê ya ku li çend bajarên wî welatî rûdaye, nîşan da û piştre pêşhatên siyasî yên Herêma Kurdistanê û peywendiyên navbera Hewlêr û Bexdayê gotûbêj kirin.
Di derbarê rewşa navxwe ya Herêma Kurdistanê de jî cîgirê serokwezîr got ku; Ne tiştekî veşartî ye ku pirsgirêkên siyasî hene û bandoreke neyînî li ser rewşa Herêma Kurdistanê bi giştî kiriye.Li se pirsa Hilbijartinan li Herema Kurdistanê navbirî amaje bi civîna îro ya di navbera tîmên hilbijartinên YNK û PDKê de kir, ku li ser pêşniyar û destpêşxeriya Serok Bafil Talebanî hat lidarxistin, got: Hilbijartin êdî nabe paşva bê xistin û ji bo hilbijartinên azad divê amadekarî bên kirin û mafên hemû civakan li ber çavan bên girtin.
PUKMEDIA