Serok Bafil û Wezîrê Dewlet yê Brîtanya: Em bi hilbijartina bêkêmasî razî ne

Nivîsgeha Ragihandinê yê serokê YNK

Serok Bafil û Wezîrê Dewlet yê Brîtanyayê

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Wezîrê Dewlet yê Brîtanyayê bo karûbarên Rojhilata Navîn, Afrîka, Asyaya Başûr û Neteweyên Yekbûyî Lord Tariq Ehmed kir, dawî pêşhatên siyasî yên li Kurdistan û Êraqê gotûbêj kirin.
Di civîna ku îro li Hewlêrê hat lidarxistin de, Qubad Talebanî û Cîgirê Berpirsê Fermangeha Peywendiyên Derve ya Herêma Kurdistanê Daban Şadala amade bûn. Di hevdîtinê de behsa pirsgirêkên navxweyî yên herêmê hate kirin û tekez li ser çareserkirina wan bi rêya diyalogê hate kirin.
Di derbarê hilbijartinên parlamentoya Kurdistanê de jî, Serokê  YNKê amaje bi însiyatîfa herî dawî ya çareserkirina pirsgirêkên ji bo hilbijartinan kir û got: “Nabe hilbijartin bi her sedemekê were paşxistin û armanca me jî ew e ku hilbijartinên paqij û dadperwerane bên kirin.
Serok Bafil behsa peywendiyên navbera Herêma Kurdistanê û Bexdayê kir û tekez kir ku; Yek rê heye ji bo bidestxistina mafên welatiyan, ew jî lihevkirineke bingehîn e li ser pirsgirêkên berbelav ên ku welatiyan bi giştî ji demeke dirêj ve berdêla wan didin.
Di beşeke din ya civînê de, proseya çaksaziyê li Wezareta Pêşmerge û pêngavên dawî yên proseyê hatin gotûbêjkirin. Em spasiya hevahengiya we dikin ku ji bo çaksazî û birêxistinkirina hêzên me alîkariya me kir, me ji aliyên pêwendîdar re erkdar kiriye ku asankariyê bo cîbicîkirina hemû pêngavên proseyê bikin daku hêzeke me ya bihêztir û jêhatîtir hebe.
PUKMEDIA