Li Rojnamegerên jin ên Ragihandinê Cejna 8 adarê Pîroz kiran

Wêne: Hama Omer

Xebatkar û rojnamevanên Ragihandinê

Bi boneya Roja Cîhanî ya Jinan, Buroya Ragihandina Yekîtiya Niştimanî ya Kurdistanê (YNK) spasiya hemû rojnamevan, xebatkarên ragihandinê û jinên xebatkarên kenal û organên YNKê kir û di merasîmekê de bawernameyên rêzgirtinê da wan.
Berpirsê Ragihandina YNKê, Stran Abdullah di merasîma ku li pirtûkxaneya Buroya Ragihandinê hat lidarxistin de axivî û got: “Baweriya YNK’ê bi mafên jinan heye û bi hemû hêza xwe piştgiriya  wan dike ji bo pêşdebirina jinan di nav partî û hikûmetê de.
Her wiha got:“YNK yek ji wan hêzên siyasî ye ku rola jinan paşguh nake,ewan li kêleka mêran beşdarî têkoşîna siyasî û Pêşmerge bûne, di serdema desthilatdariyê de jî  jinan di navenda biryarên siyasî de cih girtine û beşê wan  diyar kirine.”
Berpirsê buroya ragihandinê rola rojnamevanên jin û keç di medyaya YNKê de bilind nirxand û tekezî li ser hemû piştgriya bo pêşxistina şiyanên wan kir.
Piştre jî berpirsê buroyê û endamên buroya ragihandinê ya YNK’ê xelat pêşkêşî jinên rojnamevan ên YNK’ê kirin.
PUKMEDIA