Ji Ebû Rênas bo şaneyên Brûsk û Şalaw, wiha Operasyona rizgarkirina Hewlêrê dest pê kir

PUKMEDIA

Rizgarkirina Hewlêr

Di salnameya serhildana girseyî ya gelê Kurdistanê li dijî neheqî û dîktatoriya rêjîma Sedam, beriya 32 salan di vê rojê de gelê Hewlêr bi pêşengiya Yekîtiya Niştimanî ya Kurdistanê rabûn ser piyan û di demeke kurt de bajar rizgar kirin.

Û piştî ku di 5ê Adara 1991ê de li navçeya Raniye bi serpereştiya Yekîtiya Niştimanî çirûska serhildana pîroz dest pê kir, proseya berfirehtir bû li hemû bajar û bajarokên Herêma Kurdistanê bû û di 11ê Adarê de jî ala Azadiyê gihişt Hewlêrê, ku xelkê wê li dijî neheqî û zulmê rabûn, bi wêrekiya xwe karîbûn di demeke kurt de bajêr paqij bikin.
Çirûskên serhildanê bi banga fermandarê azadkirina bajarê Hewlêrê birêz Kosret Resûl Elî (ji Ebû Rênas heta şaneya Brûsk û Şalaw, em nêzîkî we ne, dest bi xebatê bikin) derketin.

Û birêz Kosret Resûl Elî Serokê Encûmena Bilind a Siyaset û Berjewendiyên Yekîtiya Niştimanî ya Kurdistanê bi boneya salvegera rizgarkirina bajarê Hewlêrê ji rêjîma Sedam peyameke pîrozbahiyê şand û got: Em pîrozbahiyê li zarokên qehreman ên Hewlêrê dikin, ev lehengên ku ji cîhanê re îsbat kirine ku neheqî û cudakariyê qebûl nakin û li hemberê berxwedan dikin.
Kosret Resûl Elî amaje bi wê yekê jî kir ku, Eniya Kurdistanî erkê rizgarkirina Hewlêrê da me û me bi beşdariya ciwanên Hewlêrê yên qehreman, çekdar, rêxistinên veşartî, şaneyên çekdar û Pêşmergeyên qehreman di demeke rekor de bajar rizgar kir.û me karî bi vê serkeftinê dîrokê ava bikin û me li ber kelehê serketinê pîroz kir."
Di vê boneya pîroz de daxwaza pêşkêşkirina xizmetguzariyan bo welatiyan kir û got: Îro piştî derbasbûna zêdetir ji sê dehsalan bi ser vê boneya dîrokî de, divê em xwe binirxînin û hewl bidin ku xizmetguzariyan ji girseya gelê Kurdistanê re pêşkêş bikin. û pirsgirêkên heyî ji koka xwe ve çareser bikin. Divê em ji bîr nekin ku gelê me negihiştiye armanca xwe û bi danîna bernameyeke neteweyî ya hevbeş rêzên xwe bikin yek.

PUKMEDIA