Ji bo hilbijartinan 7 partiyên kurdî lihev kirin

PUKMEDIA

7 partiyan lihev kirin

Li ser hilbijartinên Parlemana Kurdistanê bi sîstema çar herêmên hilbijartinê pêk were, 7 Partiyên Kurdistanî li hev kirin, û tomara biyometrîk a Komîsyona Hilbijartinê ya li Êraqê bikin bingeha karên xwe û Komîsyona Hilbijartinê ya herêmê çalak bikin.

Her weha ev yek di hevdîtina ku îro roja şemiyê li bajarê Silêmaniyê di navenda Polîtburoya Yekîtiya Nîştimanî ya Kurdistanê (YNK)ê  de ku ji aliyê herdu dezgehên Hilbijartinê ya herdu partiyên serek li Herêmê Yekîtiya Nîştimanî ya Kurdistanê (YNK) û Partiya Demokrata Kurdistanê (PDK)ê ve li gel nûnerên 5 partiyên Kurd hatiye lidarxistin, ku di encamê de,ev jî navên wan e: Tevgera Goranê, Yekgirtuya Îslamî ya Kurdistanê, Komelaya Dadê ya Kurdistanê, Partiya Komonîsta Kurdistanê, Partiya Karkeran û  Zehmetkêşên Kurdistanê.

Di civînê de belavoke hat derxistin û ev naveroka wê ye:

Îro roja şemiyê 11/3/00 li bajarê Silêmaniyê di avahiya polîtburoya YNK`ê de, nûnerên 7 partiyên siyasî yên Kurd ên li Parlemana Kurdistanê, bi armanca amadekirin û lihevtêgihiştina li ser guhertina yasaya hilbijartinên parlemana Kurdistanê, lihev civiyan.
Di berdewamiya wê civînê de, giftûgoyên zelal li ser mijarên derbarê serrastkirina û hemwarkirina yasaya hilbijartinên parlemana Kurdistanê û çalakkirina komîsyona bilind ya hilbijartinan hate kirin û biryarên pêwîst li ser babet û mijarên din hat dayîn û ev ê li xwerê bişopînin:

1- Şopandina sîstema çar herêmên hilbijartinê li gorî parêzgehên Herêma Kurdistanê.
2- Pesendkirina tomara biyometrîk a komisiyona bilinda serbixwe ya hilbijartinan li Êraqê bi hemû pêdewîstiyên wê ve

3- Li gorî daneyên Wezareta Plandanînê ya Hikumeta Federal ya Êraqê, rêjeya kursiyên parêzgehan, wê rêjeya kursiyan bête diyar kirin.

4- Çalakirina Komseriya Bilind a Hilbijartin û Referandûmê li Herêma Kurdistanê.
5- Serokatiya parleman û komên wê, wê civînan bi nûnerên pêkhateyan re li hundir û derveyî parlemanê pêkbînin."

PUKMEDIA