Bi peyameke Mam Celal xelkê Zaxo jî serhildan kir

PUKMEDIA

Serhildana Zaxo

Di 13’ê Adara 1991’an de gelê bajarê Zaxoyê li dijî rêjîma Baasê serî hilda û tevlî parêzgeh, bajar û bajarokên din ên Kurdan bû ku li dijî rêjîma Baasê ya hilweşiyayî rabûn ser piyan.
Çirûska serhildanê di 5’ê Adara 1991’an de li bajarê Raniyeyê ku ji wê demê ve weke “Deriyê serhildanê” tê binavkirin, dest pê kir.

Di destpêka serhildana navçeya Zaxoyê de pilan û mekanîzmayên dabeşkirina hêzên Pêşmerge ji bo êrişa ser baregehên rêjîma Baasê hatin danîn û civîna yekem li navçeya Darkerê bû.
Wek ku dema hemû bajar û bajarokên Herêma Kurdistanê hatin rizgarkirin, Yekîtiya Niştimanî ya Kurdistanê di serhildana gelên navçeya Zaxo de roleke sereke lîst.

Di civîna yekem de peyama serokê rihmetî Mam Celal gihîşt girseya serhildana navçeya Derkar û tê de daxwaz ji girseya gel kir ku rabin ser piyan û navçeya Zaxo ji bindestî û zulmê rizgar bikin.
Piştî wê serhildana navçeya Zaxoyê di 13’ê Adara 1991’an de ji navçeya Derkarê destpê kir û êvara heman rojê hemû navçe hatin rizgarkirin û bajar ji bermahiyên rêjîma Baas a hilweşiyayî hat paqijkirin.

PUKMEDIA