Guhertina zagona hilbijartinê partiyên Kurdistanî mijûl dike

PUKMEDIA

Civîna partiyan derbarê yasaya hilbijartina

Li Hewlêrê 5 partiyên Kurdistanî li ser guhertinên yasaya hilbijartinên Parlamentoya Kurdistanê civiyan di wê derbarê de ,cîgirê Serokê Fraksiyona YNKê li Parlamentoya Herêma Kurdistanê got: "Divê di zûtirîn dem de proje guhertina yasaya hilbijartinan were temamkirin û pêşkêşî parlamentoyê were kirin."
Cîgirê Serokê Fraksiyona YNKê li Parlamentoya Kurdistanê Luqman Werdî di civîneke çapemeniyê de got; “Lijneya hunerî ya nivîsandina teksta guhertinên yasaya hilbijartinên Parlamentoya Kurdistanê bi beşdariya YNK, PDK, Komel, Yekgirtû û Gorranê civiya.
Luqman Werdî got: "Di civînê de behsa hemû madeyên serrastkirina yasaya hilbijartinan hat kirin û nêrîneke hevbeş hebû, daku em bigihin rêkeftineke berfireh li ser sererastkirina yasaya hilbijartinan, ji ber ku ew aliyê xwe  niştimanî heye."
Her wiha got:“Hemû alî tekez li ser wê yekê kirin ku di zûtirîn dem de proje yasaya hilbijartinan were temamkirin û radestî parlamentoya Kurdistanê were kirin, ji bo ku li parlamentoya Kurdistanê karekî yasayî ware kirin’’.
Got jî: “Hemû alî dilsozin  in ku bigehin rêkeftineke berfireh û gelek xalên me yên hevbeş hene û kêm xalên nakokîyê hene û dê di rojên bê de civîn berdewam bin ji bo nivîsandina reşnûsa yasaya  hilbijartina  ku emê temam bikin û ji  parlamentoya Kurdistanê re bişînin."
PUKMEDIA