Serok Bafil: Baweriya YNKê bi hemahengî û karkirina hevbeş heye

Ofîsa Serokê YNKê

Bafil Celal Talebanî û Terry Wolf

Serokê Yekîtiya Niştimanî ya Kurdistanê (YNK) Bafil Celal Talebanî li gel şandeke pilebilind a Amerîkayê bi serokatiya Şêwirmendê Bilind ê Serokê Amerîkayê bo karûbarên Rojhilata Navîn Terry Wolf civiya.
Di hevdîtinê de Serok Bafil Celal Talebanî helwesta YNKê derbarê hevkêşeyên giştî yên siyasî, aborî û emnî yên Êraq û Herêma Kurdistanê şirove kir û tekez li ser berdewamiya diyalog û hewlên erênî yên di navbera Herêma Kurdistanê û Êraqê de ji bo derbaskirina astengan û çareseriya yekcar ji bo pirsgirêkan kir.
Di derbarê pirsgirêkên  siyasî û îdarî yên navçeyê û hewlên YNKê ji bo derbaskirina nakokiyan jî Serok Bafil got, YNK baweriya xwe bi hemahengî û karkirina hevbeş heye, em dixwazin pirsgirêkan çareser bikin û ber bi pêşketinê ve biçin û xizmeta gelê xwe bikin.
Mijara enerjiyê û pêngavên yekgirtina hêzên Pêşmerge mijareke dinê hevdîtinê bû.Di vê derbarê de Serok Bafil got:’’ Pêwîste enerjî di xizmeta giştî de be û dahat jî bo refaha welatiyan be .Me pêngavên piraktîk bo yekrêzî û birêxistinkirina hêzên Pêşmerge avêtine û armanca me hêzeke niştimanî ya bihêz e, ji bo wê yekê em piştgiriya  hevpeymanan bi taybet Amerîka giring dibînin’’.
PUKMEDIA