Serokkomarê: Helebçe pêwîstî bi nûavakirinê heye ku di asta qurbaniyên wê de be

PUKMEDIA

Serokkomarê Êraq

Serokkomar Dr.Ebdulletîf Reşîd, sibeha roja pêncşemê 16.03.2023ê gihîşte parêzgeha Helebçeyê û destegul li ser bîrdariya şehîdên Helebçe danî.

Serok Komarê di gotarekê de li merasima bîranîna 35 saliya tawanên Helebçe got: karesata mezin ku li parêzgeha Helebçe rûda, bandor li wijdanê hemû cîhanê kir û Helebçe bû sembola têkoşîn, qurbanîdan û fedayê li ser asta cîhanê. .
Serokê Komarê her wiha got: Divê em hemû hewlên xwe bikin yek ji bo rêgirtin li dûbarebûna her karesateke din, wek ku li parêzgeha Helebçe qewimî, ji ber ku ev bajar rastî herî hovanetirîn tawanên mirovatiyê hatiye.
Û Serokê Komarê diyar kir: Helebçe bûye sernavê têkoşîn û qurbanîdan û karesatên ku gelê me tûşî wan bûye û ez gelek kêfxweşim ku encumena wezîran biryar da ku Helebçe wek parêzgeha 19 li Êraqê bê diyarkirin. û hêvîdarim di zûtirîn dem de deng li ser vê biryarê li civata nûneran bide û bûdceya pêwîst ji bo avadankirina parêzgeha Helebceyê wek parêzgehên din bê terxankirin.
Serok Komarê amaje bi wê yekê jî kir ku karesata Helebçe gelek mezine û pêwîstiya parêzgehê bi nûavakirin û xizmetkirina zêdetir bo xelkê parêzgeha Helebçeyê berxwedan heye.

PUKMEDIA