Serok Bafil: Xizmetkirina parêzgehê bi kiryaran ne bi dirûşman

PUKMEDIA

35 salvegera kîmyabarana Helebçe

Serokê Yekîtiya Niştimanî ya Kurdistanê Bafil Celal Talebanî bi boneya 35emîn salvegera bombebarankirina bajarê Helebçe bi çekên kîmyayî ji aliyê rêjîma Baasî ve daxuyaniyek belav kir û tê de tekezî li ser pêwîstiya xizmetkirina Helebçe û xelkê wê bi çalakiyan kir, ne tenê bi gotin û dirûşim.
Naveroka daxuyaniyê wiha ye:
Divê xizmeta Helebçe û Helebçeyiyan ji dirûşman bibe kiryar û xizmetguzarî di asta rûmet û qurbanîdana kurên parêzgehê de be.
Em dizanin ku di van salên borî de kêmasî li hember êş û pêwîstiyên bajêr hebûn û hikûmet jî xemsarî kiriye, lê divê ev neheqiya li ser Helebçiyan berdewam nebe û gavên cidî û bi berpirsiyarî ji bo xizmetkirina bajêr bêne avêtin.
Pejirandina veguhertina Helebçe bo parêzgehek ji aliyê Encûmena Wezîrên Êraqê ve ji bo pêkanîna erkên yasayî û destûrî yên li hember bajarê şehîdan û qerebûkirina welatiyên hêja yên wî bajarî, gaveke girîng û pêwîst bû ji bo hikûmeta Êraqê.
Rûmet û rêz ji bo giyanê pak ê şehîdên karesata Helebçe û hemû şehîdên Kurdistanê.

PUKMEDIA