Kîmyabarana Helebce bi amadebûna Serokkomar hate bibîranîn

PUKMEDIA

Parêzgarê Helebce û Serokomarê Êraqê

Îro 16-3-2023 li parêzgehê  Helebceyê Serokomarê Êraqê Dr.Letîf Reşîd, xanima yekem Şanaz Îbrahîm Ehmed, konsul û balyozên welatên biyanî , hejmarek ji serkirde û kesayetiyên siyasî û hikûmetê di merasîma bîrhanîna salvegera kîmyabaran Helebce beşdar bûn.
Serokomarê Êraqê di merasimê de gotarek pêşkêş kir û got:"Ez bi biryara Encumena Wezîran a Êraqê ku Helebce bibe parêzgeh, kêfxweş im. Xelkê Helebce hêjayî xizmetên zêdetir in ji ber ku Helebce bû ku têkoşîn û qurbanîdana gelê Kurd bi cîhanê re da nasîn."
Her wiha got: “Xelkê Helebce hêjayî xizmetguzariyên zêdetir in û em çi ji destê me tê emê dudilî nebin. Ez şanazî  bi wê yekê dikim ku îro di salvegera karesateke dilşewat wek kîmyabarana Helebceyê de li gel xelkê Helebce me.
Di vê çarçoveyê de, Xanima yekem a Êraqê Şenaz Îbrahîm Ehmed destegulek danî ser mezarê şehîdên Helebce û hejmareke zêde ji konsul, balyoz, serkirde û kesayetiyên siyasî û hikûmî jî gul danîn ser mezarê şehîdên Helebce.
Bîranîna salvegera kîmyabarana Helebceyê di demekê de ye ku Encûmena Wezîran biryar da ku îsal Helebce bibe parêzgeha 19emîn a Êraqê.Ev biryar gehişte parlamentoya Êraqê û dê di zûtirîn dem de li ser rûniştin ware kirin ji bo dengdayînê.
PUKMEDIA