Serok Bafil: Şehîd Şervan û rêhevalên wî di parastina Kurdistanê de rol lîstin

Ofîsa Serokê YNK

Serokê (YNK) Bafil Talebanî û fermandarê şehîd Şervan Kobanê

Serokê Yekîtiya Niştimanî ya Kurdistanê (YNK) Bafil Celal Talebanî bi boneya şehadeta fermandar Şervan Kobanê û 8 şervanên din peyamek belav kir û got:"Şehîd Şervan û hevalên wî  xaka pîroz a Kurdistanê ji destên reş ên terorê parastin û dîrokeke tijî serwerî tomar kirin. Şehadeta wan em ji dil  de xemgîn  kirin."
Teksta peyamê:
Şehadeta Fermandar (Şervan Kobanê) Fermandarê Hêzên Antî-Teror a Rojava û 8 hevalên din em di nava dil de xemgîn kirin .
Şehîd Şervan û Yekîneyên Antî Teror (YAT) di şerê li dijî çeteyên DAIŞ’ê yên li Rojava de roleke bi bandor lîstin û xaka pîroz a Kurdistanê ji destên reş ên terorê parastin û dîrokeke tijî serwerî tomar kirin.
Yekîtiya Niştimanî ya Kurdistanê (YNK) şanaziyê bi dîroka geş a hêzên dije-terorê (CTG) li kêleka yekîneyên dije-terorê yên Rojava ji bo parastina xaka Kurdistanê û gelê têkoşer û tomarkirina çîrokên qehremaniyê dike.
Ez sersaxiyê ji Rêheval Mazlûm Kobanê, Hêzên Sûriyeya Demokratîk (QSD), Yekîneyên Antî-Teror û hemû gelê Kurd û bi taybetî welatiyên me yên Rojavayê Kurdistanê re dixwazim û em hevparê vê xema mezin in.
Bila ruhê rêhevalan rihet be û silav li giyanê şehîdên tevgera azadiyê be.
PUKMEDIA