5 sal bi ser dagîrkirina Efrîn

PUKMEDIA

Dagîrkirina Efrîn

Îro 18-3-2023`an 5 sal bi ser berxwedana dîrokê yê gel û Hêzên Efrînê û dagîrkirina wê ji alşya Tirkiyê ve derbad dibe, ku artêşa Tirkiyê li gel komên Îslamî yên bi ser opozisyona Sûriyê ve bi çekên giran û balafirên şer şerê Efrîn ê kirin, piştî 58 roj şer di dawiyê de Efrîn dagîrkirin û xistin jêr kontrola xwe.

Bi hemû rêyên qirêj û dûr ji mirovahiyê û zulm û zordariyê Efrîn ji desr xelkê xwe yê resen hate standin, û piştî dagîrkirin kiryarên zêdetir bi ser welatiyan de hat kirin ji kuştin, girtin, eşkencekirin, dizîn, talankirina şûnewaran û guhartina demigrafîk.

Ev 5 salin welatiyên Efrînê ku  neçar bûn dest ji mal û warên berdin li navçeya Şehbayê dimînin û hêviya vegerê li ba wan ne temiriye û di wê bawariyê de ne ku rojeke bê û wê vegerin nav milk û malên xwe.
Rêveberiya Şûnwaran a Kantona Efrînê diyar kir ku dewleta Tirk û çeteyên wê di 5 salên dagirkirinê de bêhtirî 68 deverên dîrokî talan kirine. Yek ji cihên hatine wêrankirin, Keleha Nebî Hûrî ya 45 km dikeve bakurê navenda bajarê Efrînê ye. Her wiha çeteyên dewleta Tirk devera Eyn Dara ya dîrokî bi temamî wêran kir û veguhestin qada perwerdeya leşkerî.
Ev agahiyên belgekirî beşek biçûk ji sûcên dewleta Tirk û çeteyên wê yên li Efrînê ye.
Piştî erdheja 6'ê Sibata 2023'yan de jî, dewleta Tirk xebatên xwe yên guhertina demografiya herêmê zêde kirin. Dewleta Tirk kon ji şêniyên mexdûr re vegirtin û gundên zirardîtî vala kirin. Di vê dawiyê de meclisa xwecih a girêdayî dagirkeran bi fermana dewleta Tirk bi sedan kon li derdora navenda bajarê Efrînê vegirtin.

Bi vê boneyê Rêveberiya Xweser a Bakur û Rojhilata Sûriyê bang li hêzên aktîf li Sûriyeyê, NY′yê, saziyên hiqûqî û mirovî dikin ku bi awayekî cidî bixebitin û ji helwestên xwe yên şermok ên têkildarî Efrînê û herêmên dagirkirî bi dawî bikin, berpirs bin û kiryarên li Efrînê tên kirin weke qirkirina etnîkî û dagirkerî bihesibînin. Em bang li civata navneteweyî dikin ku ji bo şopandina rewşa trajîk li Efrînê tîmeke lêpirsînê bişîne Efrînê, da ku hesab ji berpirsên sûcên li wir tên kirin bê xwestin.

Rizgarkirina Efrînê ji bo me biryareke stratejîk e û em rê nadin ku di li tu cihan an di tu dan û standinan de bazar li ser bên kirin. Em piştgiriya hin hêzên herêmî û erebî ji bo Tirkiyeyê û projeya wê ya dagirkeriyê ya li dijî gelê me, şermezar dikin. Di heman demê de em hemû lihevkirinên di navbera Tirkiye û aliyên din de û di nav de rejîma Sûriyeyê yên li ser hesabê gelê me yê Sûriyeyê, red dikin. Em ê girêdayî pîvanên xwe yên nîştimanî û avakirina modeleke demokratîk û adilane ji bo tevahî sûriyeyiyan bin.”


Rihmet li rihê şehîdên qehreman û silav li gelê berxwedan 

PUKMEDIA