YNKê îmze ji bo budce û qerebûna Helebçeyê kom dike

PUKMEDIA

YNKê daxwaza qerebûnê ji Helebçeyê re dike

YNKê ji bo bicihkirina budceya taybet û qerebûkirina parêzgeha Helebçeyê, dest bi kampîna komkirina îmzeyan kir.

Di vê bareyê de endama Encûmena Nûneran ya Êraqê yê li ser koma Yekîtiya Niştimanî ya Kurdistanê (YNK)ê Çiro Heme Şerîf ji malpera fermî ya PUKMEDIA`Yê re ragihand; ́"li hola encûmena nûnerên Êraqê, min hewl daye ku îmzayên parlementeran kom bikim da ku di çarçoveya bûdceya giştî ya Êraqê ya bo sala 2023 de, budceyeke taybet ji bo parêzgeha Helebçeyê bidin bidestxistin."

Çiro Heme Şerîf wiha got:"Pêwîste ji bo her projeyekê 25 parlamenter îmze bikin, lê niha ji bo projeyê têra xwe îmze hatine komkirin û em hewl didin ku hejmara îmzeyan zêde bikin da ku parleman bi vî awayî xizmeta Helebçeyê bike."

Ev yasaya budceyê niha li encûmena nûneran ya Êraqê ye û çaverêyî gengeşeya navbera komên encûmena nûneran e û li angora yasaya budceyê ya ku malpera fermîya Yekîtîya Niştimanîya Kurdistanê PUKMEDIA bi dest ve anîye û tê texmînkirin 134.552.919.063 Dînar e
Endama koma YNKê di encûmena nûnerên Êraqê de wiha dazanîn: Hikûmeta Êraqê ya federalê dikare wek parêzgeheke nû li Helebçe binere û budceyekê jê re terxan bike da ku ziyanên ku gihîştiye wan qerebû bike.
Ku encûmena wezîran ya Êraqê di 13 ê adara sala 2023 de, proseyên federalî yên ji bo parêzgehkirina Helebçe bi dawî anî û bû parêzgeha 19 a Êraqê û niha biryar li encûmena nûneran e û tê çaverêkirin ku encûmena nûneran di demeke nêzîk de biryarê li ser parêzgeha Helebçe bide
Di heman demê de Serokê YNK`ê Bafil Celal Talabanî di hemû civîn û civînên siyasî yên li Bexdadê de, tekez li ser bidawîkirina proseyên yasayî bo parêzgeha Helebçeyê kiriye heya di nava projeya YNKê de jî û di dema av kirina hikûmeta nû ya Êraqê de tekez li ser bidawîanîna proseyên yasayî yên ji bo parêzgeha Helebce kir ji ber vê çendê jî kirina Parêzgeha Helebçe destkevteke din ya YNKê ye bo gelê Kurd bi giştî û xelkê Helebçe bi taybetî.

PUKMEDIA