Kerkûkê agirê Newrozê kir taca serkeftinê

PUKMEDIA

Raperîn

Girseya gel li Kerkûkê îro Duşem 20-3-2023 Newrozê pîroz dikin ku hevdeme bi rizgarkirina bajêr ji dest rêjîma Baas di sala 1991 de ye di serhildana Adarê de.
Pîrozkirina Kerkûkiyan bi cejnna Newroz û rizgarkirina Kerkûkê dilsoziyeke ji xwîna şehîdan û qehremanên ku ji bo rizgarkirinê xwe kirine feda ye,û herweha  pêşmergehên qehreman ku bajar ji terorîstên DAÎŞê parastin.
Di vê boneyê de, divê em rola sereke ya Serok Mam Celal û giringîdana wî ya taybet bi Kerkûkê û wesifkirina wê bi Êraqa bi çûk ji ber ku hemû pêkhateyan dihewîne.
Pêşmergeyê dêrîn Hîwa Reş ji PUKMEDIA re dibêje: Ji bo rizgarkirina bajêr ji dest rêjîma Baas, şaneyên veşartî yên çekdar li Kerkûkê pêwendî bi şana Şalaw li Silêmanî û Birûsk li Hewlêrê kir, piştre Eniya Kurdistanî serok êlên li kerkûkê ji bo beşdarbûnê di serhildanê de agahdar kirin.

Şaneyên YNK yekem hêz bûn ku di nava Kerkûkê de rabûn ser piyan

Pêşmergeyê dêrîn Hîwa Reş dibêje: Şaneyên çekdar ên Kerkûkê pêwendî bi serkirdayetiya Yekîtiya Niştimanî ya Kurdistanê re kirin ji bo pêkanîna erkê azadkirina bajarê Kerkûkê.
Got jî: Yekem hêza ku li Kerkûkê rabû, şanên çekdar ên Yekîtiya Niştimanî ya Kurdistanê bi serpereştiya şehîd Hec Helmet bûn û wan şaneyan karîn bendaveke ava bikin û ketina hêzên Pêşmerge bo nav Kerkûkê hêsan bikin.


Beriya azadkirina Kerkûkê civîneke girîng hat lidarxistin
Pêşmerge Hîwa Reş dibêje: Çend roj beriya destpêkirina operasyona azadkirina Kerkûkê, civîneke giring li devera Bardî di navbera Newşîrwan Mistefa, Kosret Resûl Elî, Mesûd Barzanî, Hesen Kuwêstanî û hinekên din de ji bo azadkirina wî bajarî hat lidarxistin. Û di wê civînê de biryar hat dayîn ku ji 3 aliyan ve Kerkûk bê dorpêçkirin wiha hat dabeşkirin ( Hewlêr- Kerkûk) û (Silêmanî- Kerkûk) û (Germiyan- Kerkûk) û li gor bernameya ku hatiye danîn bajar hat rizgarkirin.

Hovîtiya rêjîma Baas li ser xelkê Kerkûkê

Piştî azadkirina bajarên Silêmanî, Hewlêr û Duhokê, rêjîma Baas ya jinavçûyî tawankar Elî Hesen Mecîd ji bo tepeserkirina welatiyan şand Kerkûkê û desthilata tam day, ji ber wê jî tawankar Elî Hesen Mecîd 23 Kurd bidarve kir,û her wiha gelek malên welatiyên Kurd li taxên Rehîmawa, Îmam Qasim û El-Îskan û Azadî wêran kirin.
Ev kempînên tepeserkirina welatiyan bandor li morala xelkê bajêr nekir, ji ber wê jî Hêzên Pêşmerge ji aliya (Silêmanî-Kerkûk) û (Hewlêr-Kerkûk) derbasî nav bajarê Kerkûkê bûn û taxa Rehîm Awa bûn yek û pêşmergeyan agirê newrozê vêxistin û rizgarkirina bajêr ragihandin.


PUKMEDIA