Talebanî: Kurdistan rastî gef û derfetan tê

PUKMEDIA

Qubad Talebanî

Cîgirê Serokwezîrê Herêma Kurdistanê  Qubad Talebanî bi boneya cejna Newrozê pîrozbahî li Kurdistaniyan  kir û got:“Newroza Kurdî her tim peyama aştî, yekîtî û destpêkirina demsala nû ye’’.
Nivîsa peyamê:
Newroza Kurdî hertim peyama aştî, yekîtî û destpêkirina demsala nû hildaye, lewra divê em hemû peyama Newrozê bi cidî bigirin dest û deriyê çareserkirina pirsgirêkan vekin.
Kurdistan rûbirûyê metirsî û derfetan bûye, gelê Kurd bi salane bi hemû kêmasiyên me re li ber xwe daye, daxwaza xizmetguzariyên baştir, başbûna aborî û aramiya siyasî dike.Di vê rewşê de ez bang li me hemûyan dikim ku ji bo xatirê welatiyan bi berpirsyarî tevbigerin û bi hev re vê rewşa heyî birêve bibin.
Werin em bi hev re derfeta ligel Bexdayê ji bo rêkeftineke dawî û demdirêj bi kar bînin. Werin em şert û mercên hilbijartinên paqij û dadperwer li navxwe ava bikin ku hem baweriya welatiyan bi saziyan xurtir bikin  û hem jî hevalbendên me yên li derve bêhêvî nebin.
Di derbarê pirsgirêkên navxweyî yên Kurdistanê de, em destên lihevkirinê dirêj dikin û ji her diyalogê re amade ne. Ti daxwazên me yên şexsî nebûne, lê me daxwaz û berevanî li berjewendiyên welatiyan kiriye, em di wê baweriyê de ne ku ev yek dikare  daxwazên me hemûyan be, em soza pêkanîna van daxwazan didin, em amade ne ku hemû alîkarî û gavên pêwîst pêşkêş bikin.
Di dawiyê de ez Newroza Kurdewarî li hamû aliyekî  pîroz dikim û cejneke bi xêr û xweşî ji hemûyan re dixwazim.
PUKMEDIA