YNK bûye beşek ji çareseriya pirsgirêkên Êraqê

PUKMEDIA

YNK bûye beşek ji çareseriya pirsgirêkên Êraqê

Yekîtiya Niştimanî ya Kurdistanê (YNK) yekrêzî û hemahengiya di navbera aliyên siyasî de sedema aramî û geşbûna Êraqê dibîne, ji ber wê jî hertim hewl daye navbeynkariya çareserkirina pirsgirêkan bi rêya diyalogê bike.
YNK ji destpêka damezrandina xwe ve bûye bingehê çareserkirina pirsgirêkan.Hewldanên xwe yên ji bo biratiya di navbera aliyên siyasî de zêdetir kirine û niha jî Serok Bafil û rêveberiya YNKê li ser heman rêyê berdewam in.

YNKê di avakirina kabîneya nû ya Êraqê de roleke bibandor list

Endama Serkirdayetiya Yekîtiya Niştimanî ya Kurdistanê (YNK) Rebîha Hemed ji PUKMEDYA re wiha got:“Serok Mam Celal siyasetvanê YNKê ye û hewl daye aştî û biratiyê di navbera aliyên siyasî de pêk bîne,ti carî nexwestiye bibe beşek ji pirsgirêkan. Serok Bafil û rêveberiya YNKê li ser heman rêyê berdewam in."
Rebîha Hemed got: YNKê di pêkanîna kabîneya nû ya Êraqê de bi serokatiya Mihemed Şîe Sûdanî roleke baş lîst, ji ber ku wek navbeynkar bû û beşdarî ti aliyekî nebû ku bû sedema avakirina hikûmeta niha ya Êraqê.

YNKê bandoreke erênî li ser rêbaza siyasî ya Êraqê kir

Siyaseta nerm a YNKê ji bo çareserkirina pirsgirêkan Êraqê faktoreke girîng bûye û ti carî nakokî dernexistiye, ji ber wê jî hertim diyalog wek çareserî nirxandiye û bi navbeynkariya xwe bandor li ser rêya siyasî ya Êraqê kiriye.
Kesayetiyê navdar ê siyasî yê Êraqê Mason Damelucî ji PUKMEDIA re got: YNK ji destpêka damezrandina xwe ve bûye faktora başiyê û komkirina aliyên siyasî yên Kurdistan û Êraqê û kariye bandorê li proseya siyasî ya welat bike.
"YNK bi serokatiya Serok Mam Celal beşeke girîng a çareseriya piraniya pirsgirêkên  Êraqê bû û piştî Serok Mam Celal, rêveberiya niha ya wê partiyê di pêkanîna siyaseta nermbûnê de serkeftî bû û ti carî pirsgirêk dernexistiye." wî got.
Di destpêka avakirina hikûmeta nû ya Êraqê de, YNKê di komkirina nêrînan û lihevkirinekê de roleke bibandor list, lihevkirina aliyên siyasî yên Êraqê û yekrêziya partiyan û parastina mafên destûrî xala serkeftina hikûmeta Sûdanî dît.
PUKMEDIA