Beşdar Hesen: Paqijkirina karê hikûmetê encamên baş dernakeve

PUKMEDIA

Beşdar Hesen

Li şûna ku koordînatorê pêşniyarên navneteweyî ji bo rayedaran paqijî  bike, çêtir e tiliyên xwe bikin ser birînan  û derman bikin.
Derbarê raporta Wezareta Derve ya Amerîkayê derbarê rewşa mafên mirovan li Herêma Kurdistanê, Serokê tîma parêzerên girtiyên li Badînan, Beşdar Hesen ji malpera fermî ya Yekîtiya Niştimanî ya Kurdistanê (YNK) PUKMEDIA re ragihand: ''Mixabin binpêkirina mafên mirovan. li Herêma Kurdistanê di rewşa xwe ya herî xirab de ne û roj bi roj zêde dibin.Derbarê raporta Wezareta Derve ya Amerîkayê de ku di 21.03.2023ê de, hevdem bi cejna Newrozê re, ku tê de behsa rewşa mafên mirovan li Herêma Kurdistanê hatiye kirin, em bi hemû awayekî piştevaniya naveroka raportê dikin ku 100% behsa rastiya navxweyî ya Herêma Kurdistanê dike, ji ber ku mixabin,  binpêkirina mafên mirovan li Herêma Kurdistanê di asta herî xirab de ye û roj bi roj zêdetir dibe''.
Her wiha got:''Koordînatorê pêşnîyarên navneteweyî ku niha wek parêzvanê desthilatdarîyê tevdigere û ji taybetmendiyên xwe dûr ketîye, divê bi hemahengîya hikûmet û alîyên peywendîdar tilîya xwe deyne ser birînan''.
''Divê ew binpêkirinên mafên mirovan çareser bikin, ne ku li ser daxuyaniyên ku her roj li dijî Herêma Kurdistanê tên dayîn û wek parêzerên ku berevaniyê li hikûmetê dikin, tenê bersiva daxuyaniyên li dijî hikûmetê bidin û wan paqij bikin, ku em di wê baweriyê de ne ku dê encameke baş dernekeve.
Çareserkirina kêşeyan ne ew çend zehmet e, tenê dest ji  destwerdanê di karûbarên encûmena dadwerî de berdin û bila tenê dadgeh rola dadgehê bilîze, ne aliyên din rola dadgehê bilîzin û destnîşankirina dadweran li gora meriyetê be, ne li ser bingehê hizbî. Em piştrast dikin ku rewşa mafên mirovan dê pir baş be û welatê me dê bibe welatê herî demokrasî û azadî''.da zanîn Beşdar Hesen
PUKMEDIA