Silêmanî di kêmbûna rêja hejariyê de di asta yekem de ye

Kurdistan 12:21 PM - 2023-04-03

Silêmanî

Parêzgeha Silêmaniyê di rêjeya hejariyê de pileya dawî di nav parêzgehên Êraqê de digire û li gorî amarên dawî yên Wezareta Plandanînê ya hikûmeta federal, rêjeya hejariyê li parêzgeha Silêmaniyê %3 ye ku kêmtirîn rêje ye. û rêjeya hejariyê li parêzgeha Musene ya herî bilinde 62%.

Silêmanî qeyranan derbas kir

Hiqûqnas û aborînas Rêbwar Mihemed di daxuyaniyeke taybet de ji PUKMEDIA re dibêje: Parêzgeha Silêmaniyê rastî kirîzên mezin weke qeyranên aborî, şerê li dijî DAIŞê, pêşwazîkirina hejmareke zêde ya awareyan û belavbûna vîrusa Koronayê hatiye. herweha veguhestina hinardekirina wê bo Hewlêrê û cudahiya ku hikûmet li dijî parêzgeha Silêmaniyê dike.
Got jî: ev amara wezareta pilandananê îsbat dike ku Silêmanî hemû qeyranan derbas kiriye û rêjeya hejarîyê jî tê de herî kêm e.
Wî berdewam kir: Diyarkirina rêjeya hejariyê girêdayî hinek pîvanan e wek xizmetguzariya pizîşkî, perwerdehî, ewlehî, dabînkirina elektrîkê û hatina serê her kesî û hemd ji Xwedê re ku Silêmanî di wan waran de cihekî baş digire û ji aliyê pîşesazî ve jî. ew jî di nav parêzgehên Êraqê de cihekî pêşketî digire ji ber ku hejmara herî mezin a kargehan tê de ye.

Parêzgehên Herêma Kurdistanê

Li gorî amarên Wezareta Plandanîan a Federalî ragihandiye, Parêzgeha Duhokê pileya herî bilind di asta parêzgehên Herêma Kurdistanê de ye, ku rêjeya hejariyê 7%, paşê Parêzgeha Hewlêrê 6.7%, paşê Silêmaniyê 3%.
Parêzgar: Silêmanî yekem e
Parêzgarê Silêmaniyê Heval Ebûbekir di daxuyaniyekê de berî niha ragihandibû: Silêmanî di warê av, jîngeh, cihên kesk, tenduristî û derfetên kar de, di parêzgehên Êraqê de yekem e.
Got jî: Silêmanî mezintirîn rûbera zeviyên çandinî û cihên pîşesazî û bazirganî li xwe digire û vê yekê jî ji parêzgehên din cudatir dike û rêjeya hejariyê dê li ser asta kêm be, û eger cudahî li ser nebûya wê rêjeya hejariyê têde sifir ba.

Dorpêckirina Silêmaniyê li kabîna Mesrûr Barzanî

Kabîneya nehem a bi serokatiya Mesrûr Barzanî, dorpêça aborî li ser parêzgeha Silêmaniyê sepand, di warê piroje û avadankirinê de jî, ji bilî pevguhertina hinardekirinê, rêjeya cudabûnê gihiştiye lûtkeyê.
Derbarê cudakariya ku ji aliyê hikûmetê ve di navbera bajarên herêmê de tê kirin di raporteke kovara Foreign Policy de hatiye ku “di sala derbasbûyî de, ne mimkûn bû ku karbidestên Silêmaniyê terxankirina sektora giştî dabîn bikin, ji ber wê jî karmend li derveyê navendên dabeşkirina mûçe hatine rêzkirin û hejmarek ji xanenişînan li benda mûçeyên xwe mirin.

PUKMEDIA