Stran Ebdullah: Serok wezîr henekê xwe bi dost û dijminan kir

PUKMEDIA

Stran Ebdullah

Berpirsê Ofîsa Ragihandinê ya YNKê derbarê helwestên berdevkê hikûmetê û serokwezîr de wiha got: "Serokwezîr ev kabîne kesayetî kiriye û xirabtirîn kabîne ye di hikûmeta Herêma Kurdistanê de û heta serokê PDKê jî bi vê hizra teng ve girêdayî ye.
Her wiha got:“Xelk ji her demê zêdetir piştgîriya helwestên YNKê yên niştimanî dikin ji ber ku dizanin rêya rast ewe ku YNK dişopîne.
Berpirsê Ofîsa Ragihandinê ya YNKê Stran Ebdullah ji PUKMEDIA re ragihand: "Em wek YNK ji bo rewşa ku qewimî serî li berdevkê hikûmetê nadin, ew tenê karmend e û çi ji wî re bê gotin dike, lê em serî li serokê kabîneya nehemîn a têkçûyî dinêrin ku kabîneya xwe ji bo dost û dijminan xiste rewşeke pêkenok."

Serokê PDK’ê jî bi teng fikirîna serokwezîr ve girêdayî ye

Stran Ebdullah got: "Serokwezîr ev kabîne kesayetî kiriye û xirabtirîn kabîne di hikûmeta Herêma Kurdistanê de. Heta hinek partiyên wî jî ne li gel wî ne. Bêguman serokê PDKê bi vê hizra teng ve girêdayî ye." Stran Ebdullah got jî, dema YNK û PDK nêzîkî hev dibin, ji bo mebestên şexsî bûyerek çêdibe ku herdu hêz ji hev dûr bikevin.
"Serokwezîrê hikûmeteke dîktator nikare di navbera parêzgehan de yekgirtî û bê cudahî be, û naxwaze bûdce biçe parlamentoyê da ku bi dahatê tabûrên çekdar çêbike, ku yek ji wan diyardeyên ku di vê kabîneyê de xuya dike."

Gel piştgirî dide helwestên YNKê yên netewî

Stran Ebdullah ji PUKMEDYA re ragihand ku Yekîtiya Niştimanî ya Kurdistanê (YNK) di berjewendiya gel de xwedî helwesteke resen a Kurdistanî ye. Xelk ji her demê zêdetir piştgîriya helwestên YNKê yên niştimanî dikin ji ber ku dizanin YNK li ser rêya rast dimeşe û YNK bêyî haya civaka navdewletî kar nekiriye, lewma em tiştekî normal dibînin ku Tirkiye bi helwesta niştimanî ya YNKê ketiye tengasiyê, lê çi ne asayî ye û em fêm nakin çima serokwezîr ketiye tengasiyê?.
“Serokwezîr dest ji birîna mûçe, bûdce, derman û rawestandina xizmetguzariyan li parêzgeha Silêmaniyê bernedaye û niha li dijî YNK û xelkê Silêmaniyê komployên nû dilîze, lê nizane ku YNK roj bi roj bihêztir dibe. Berpirsê Ofîsa Ragihandina YNKê got.
PUKMEDIA