Hêzên Asayîşê rê li çalakiya bîranîna Enfalê li Hewlêrê girtin

PUKMEDIA

Hewlêr

Asayîşa Hewlêrê rê neda çalakvanan ku ji bo bîranîna 35. salvegera Enfalê çalakiyeke sivîl lidar bixin.
Roja 13.4.2023ê hejmarek rêxistin û çalakvanên warê jenosîdê li Hewlêrê bi boneya 35 saliya Enfalê li ber bîrdariya şehîdên Kesnazan daxuyaniyek xwendin û tawanên li dijî wê bibîr anîn.
Lê hêzên asayîşa Hewlêrê avêtin ser wan û nehiştin çalakiyê bikin û çalakvan belav kirin.
Di vê navberê de hejmarek ji xizmên qurbaniyên Enfalê zêdetirî 2 sal in daxwaza dîtina Serokwezîr Mesrûr Barzanî dikin û heta niha 11 caran çûne avahiya Encûmena Wezîran li Hewlêrê, lê bersiv dane û ne jî serokwezîr amade ye wan bibînin.
Sibe, 14ê Nîsana 2023an, 35emîn salvegera operasyona Enfalê ye, ku rejîma Beis di heşt qonaxên êrişên serbazî de li ser gundên kurdan dest pê kir û zêdetirî 182 hezar mêr, jin, ciwan û zarok qetil kirin.
Li gorî daxuyaniya xizmên qurbaniyan, mûçeyên wan hatiye birîn û 11 caran serî li Encûmena Wezîran a Hewlêrê dane, lê Serokwezîr bersiva wan nedaye.
PUKMEDIA