Yekîtiya Niştimanî.. hewleke berdewam bo vegerandina mûçeyên paşketî bo karmendan

Kurdistan 12:54 PM - 2023-04-18

Yekîtiya Niştimanî

Yekîtiya Niştimanî ya Kurdistanê li ser vegerandina mûçeyên paşketî yên karmendan hewl dide, ev mijar bi rêya cîgirên xwe di Encûmena Nûneran de ji bo piştrastkirina vê mijarê di bûdceya federalî de hatiye bilindkirin.
Her wiha li Parlamentoya Kurdistanê hemû hewlên xwe ji bo vegerandina mûçeyên hatine komkirin kar kir û ji bo vê yekê pirojeyek yekgirtî pêşkêşî we kir û mixabin Hikûmeta Herêma Kurdistanê di vî warî de ti gav neavêt.

Me projeyek tam pêşkêş kir

Cîgirê Serokê fireksiyona Yekîtiya Niştimanî ya Kurdistanê li Parlamentoya Kurdistanê Luqman Werdî ji PUKMEDIA re ragihand: Yekîtiya Niştimanî ya Kurdistanê hewla vegerandina mûçeyên paşketî dide û proje yasayek yekgirtî pêşkêş kir ji bo vegerandina mûçeyan bo karmendan.
Got jî: Me di proje yasayê de daxwaz kir ku hikûmeta herêma Kurdistanê bi qerzên paşketî xerc û bacên elektirîkê yên hevwelatîyan dabîn bike û pereyên mayî jî bi qonaxan vegerîne karmendan.

Ji bo vegerandina mûçeyan hewldan tê kirin

Luqman Werdî dibêje: Yekîtiya Niştimanî ya Kurdistanê li Parlamentoya Kurdistanê kar dike bo vegerandina mûçeyên paşketî yên karmendan, bi taybetî dema ku Hikûmeta Herêma Kurdistanê bûdceya xwe pêşkêşî parlamentoyê dike.
Got jî: dema bûdce bigehe perlemanê Kurdistanê, emê qebareya hinartin û xercîyên hikûmetê bizanin û paşê dê biryarê bidin ka çawa ew mûçeyên paşketî dê çawa bên vegerandin.

Li Bexdadê jî hewldan berdewam e

Parlamenterê Yekîtiya Niştimanî ya Kurdistanê Dr.Bryar Reşîd ji PUKMEDIA re ragihand: Mijara komkirina mûçeyê karmendan ji aliyê Yekîtiya Niştimaniya Kurdistanê ve red kiriye û ev biryar ji aliyê Hikûmeta Herêma Kurdistanê ve ji bo çareserkirina kêmasiyên di dabînkirina mûçeyan de hatiye dayîn.
Got jî: Em daxwazê ji serokatîya civata nûneran dikin ku her du komîteya darayî û komîteya pilandanana stratîjîk araste bike ku ev babet wek xalekê li bûdceyê bê zêdekirin daku ew pere bo karmendan vegere.

Divê mûçeyên karmendan wekî zext neyê bikaranîn
Nûnerê Biryar Reşîd dibêje: Nahêle mûçeyên karmendan weke karteke fişarê ji ti aliyekî ve li hember aliyekî din were bikaranîn, ji ber ku debara jiyana welatiyan xeta sor e.
Got jî: Em daxwaza zêdekirina xalekê li maddeya 13ê dikin ku eger her yek ji her du hikûmetan pêbendî rêkeftinê nebe, ji bilî birîna mûçeyên karmendan bi r;kar;n din rabe.

Em dikarin mûçeyên paşketî bi hin rêbazan vegerînin

Serokê berê yê Lêjneya Darayî li Parlamentoya Kurdistanê Elî Heme Salih dibêje: Mûçeyên paşketî yê karmendan bi gelek awayan tên vegerandin, ku ya herî girîng jî terxankirina bûdceyeke taybet bo wê proseyê ye.
Hema Salih got jî: Divê pere ji bo wê proseyê bê terxankirin, eger em bikarin pişka Herêma Kurdistanê ji bûdceyê ji 12.67 bo 14% bilind bikin. Veguhertina Hêzên Pêşmerge bo karmendên Wezareta Berevaniyê. Ji bilî veguhestina karmendan li deverên derveyî îdareya Herêma Kurdistanê bo karmendên hikûmeta federal.

Mîqdara mûçeyên paşketî

Hikûmeta Herêma Kurdistanê piştî kêmasiya ku di bûdceya xwe de di sala 2014ê de derketibû, sîstema paşxistina mûçe cîbicî kir û nêzîkî 12 milyar dolar ji mûçeyê zêdetirî milyonek û 255 hezar karmendan di wan salan de heta sala 2022ê qut kir.


PUKMEDIA