Asayîşa Hewlêrê bûyeran vedişêre û dosyayên wan digre

Kurdistan 07:54 PM - 2023-04-20

Hewlêr

Asayîşa Hewlêrê di bin zexta medyayê de rastî eşkere kir û piştrast kir ku birayê Omîd Sebah, berpirsê ofîsa encûmena wezîran, ciwanek ber  ronahiyê maşîn  kuştiye.
“Siyaseta xerab a desthilatdariya PDK’ê ya li Hewlêrê bûye sedem ku roj bi roj kuştin, heqaret, êrîş û destdirêjiyên zayendî zêde bibin û gelê Hewlêrê ji aramiyê bêpar bimîne.
Endamê Komîteya Navxweyî ya Yekîtiya Niştimanî ya Kurdistanê (YNK) Nesr Ehmed ji PUKMEDIA re ragihand: “Siyaseta xirab a PDK’ê li Hewlêrê rewşek çêkiriye ku Hewlêr tenê ji bo xwe aram be û ji bo gel ne ewle be, di nava rojê de mirov ji aliyê şervanên PDK’ê ve tên kuştin.  Êrîşî wan tê kirin, serê wan tê kur kirin, îşkenceyê li wan tê kirin, li bajêr tu wateya jiyanê nemaye.

PDK hewl dide rewşa Silêmaniyê têk bibe

Nesr Ehmed got: “PDK her dem hewl dide bi rêya hêzên ewlehiyê karesatên Rûdawê veşêre û li hember wê jî hewl dide rewşa Silêmaniyê têk bibe da ku çavên xelkê li Silêmaniyê bizivirîne û tawanên wan eşkere nebe.”

Polîsê Hewlêrê derbarê kuştinê de daxuyaniyek da

Şeva borî di bin zextên kanalên ragihandinê de, Rêveberiya Polîsê Hewlêrê derbarê kuştina ciwanekî li cadeya 120 metrî ya Hewlêrê ji aliyê birayê Omîd Sebahê berpirsê ofîsa serokwezîrê Kurdistanê ve daxuyaniyek belav kir û bersûc (MSA) radestî qanûnê hatin kirin dê li gorî qanûnê bê girtin.

Asayîşa Hewlêrê hewl da vê mijarê veşêre

Parlementerekî  Komîteya Navxweyî derbarê daxuyaniya Rêveberiya Polîsê Hewlêrê de wiha got: “Di destpêkê de asayîşa Hewlêrê xwest ku vê mijarê nehênî bihêle, belgeya vê yekê jî ew e ku piştî bûyer di medyayê de hat belavkirin, piştre eşkere kirin, lewra bi dîtina min eger ne medya bûya  weke gelek bûyerên din wê  veşarta.’’
Welatiyên Hewlêr û Duhokê ji ber siyaseta xerab a PDK’ê êş û azarê dikişînin û yek ji wan jî xwedî li jiyana xwe nine.Ewê kê bixwazin bavêjin hepsê diavêjin, kê bixwazin bikujin, êrişî kê bikin û heqaretê li kê bikin dikin , netîce wê ji bo PDKê ne baş be.
PUKMEDIA