Şalaw Elî Eskerî: Hikûmet di nav hikûmetê de çêbûye

Kurdistan 12:37 PM - 2023-04-24

Şalaw Elî Eskerî

Kargêrî Mekteba Siyasî yê Yekîtiya Niştimanî ya Kurdistanê Şalaw Elî Eskerî ragihand ku li ji destpêka pêkhatina hikûmetê ve serokwezîran hinek rawêjkar ji xwe re danî û gelek desthilat ji wezaretan wergirtiye û daye rawêjkaran. Dibêje: “Ew jî hikûmetek di nav hikûmetê de ye”.

Şalaw amaje bi wê yekê jî kir ku rewşa hukimranî û siyasetê li Herêmê zehmet û nelihev e û parçebûn û jihevdûrketin ji nêzîkbûnê zêdetire û bi ser dikeve û dibêje: “YNK’ê 20 hezar û 30 hezar şehîd dane yek pêkhateyê, ne ji bo du sê pêkhateyan. 

Têkiliya YNK û PDK’ê di asta şerê navxweyî de ye

Şalaw Elî Esker peywendiyên siyasî yên YNK û PDKê xirab dibîne û di wê baweriyê de ye: “Peywendiya YNK û PDKê di asta şerê navxweyî de ye, lê negihîştiye bikaranîna çekan lê ne dûra bighîniyê.

Got jî: Esasê nakokîyan ji ber nebûna berpirsîyarîya rêkevtinên sîyasî yên Kurdistanê û pêkanîna hikûmeta hevpeymanî ye, di navbera hikûmet û partîyan de çênebûye, belku hikûmet di navbera partîyan bi xwe de pêk hat. Her wiha bal kişand ser wê yekê ku peywendiyên her du partiyên di hikûmetê de ne baş in û sedema vê yekê jî Partiya Demokrat e û got: “Partiya Demokrat ne pabende bi bendên peymana damezrandina hikûmetê, herweha peymanên di navbera polîtburoyên her du partiyan de hatine çêkirin."

Serok Mam Celal ji bo çareserkirina nakokiyan kar dikir

Şalaw Elî Eskerî, ku endamê komîteya danustandinan li gel Partiya Demokrata Kurdistanê bû got ku ew rexne li Mesûd Barzanî dikin, ji ber ku nekariye rola ku jê dihate hêvîkirin bi cih bîne û valahiya Serok Mam Celal tijî bike. hertim kar bo çareser kirina kêşeyan û kêşeyan dikir, lê Barzanî baykot hilbijart û karîbû rola hemû aliyan bilîze, lê mixabin ev yek nekir.
Wî tekez kir ku cihêbûn û nelihevî li ser nêzîkbûn û rêkeftinê, di qonaxa niha de, serdeste.

 PUKMEDIA