Talebanî li Delphiyê: Divê em pêdiviyên xwe yên navxweyî bi cih bînin û piştre gazê bişînin derve

Kurdistan 05:44 PM - 2023-04-27

Cîgirê Serokwezîrê Herêma Kurdistanê Qubad Talebanî

Cîgirê Serokwezîrê Herêma Kurdistanê Qubad Talebanî di gotareke xwe ya di Korbenda Aborî ya Delphi ya Yunanistanê de got: "Kurdistan di warê jeopolîtîk de di rewşeke aloz de ye û divê em bi aqilane bi cîranên xwe re tevbigerin. Pêwîste têkiliyên me bi hemû aliyan re baş bin."Her çend herêm ji aliyê samanên xwezayî ve dewlemend e, lê mixabin heya niha jî 24 saetan elektrîka me nîne, lewma divê berî ku hizra hinartina gazê bikin, vê pirsgirêkê çareser bikin û pêdiviyên navxwe bi cih bînin.”
Cîgirê Serokwezîrê Herêma Kurdistanê Qubad Talebanî ji bo cara duyemîn li Yewnanîstanê beşdarî Korbenda Aborî ya Delphi bû û got: "Çavkaniyên xwezayî hikûmetê tembel dike, divê em xizmetên baş pêşkêşî gelê xwe bikin."

Divê  xeynî dahatên petrolê xwe bispêrin dahatên din jî

"Pêwîstiya me ya navxweyî ya mezin bi enerjiyê heye, gelek çavkaniyên me yên gazê hene ku hîn nehatine derxistin, çavkaniya giştî ya dahata me girêdayî petrolê ye û divê em bi aqilane tevbigerin da ku çavkaniyên dahatê cihêreng bikin."Parastina neft û çavkaniyên din ên xwezayî aborîyek bi îstîqrar peyda nake, lewma divê em xwe bispêrin çavkaniyên din ên dahatê, lewma em li vir in ku ji ezmûna Yewnanîstan û welatên din sûd werbigirin.

Bi şefafiyê, gendelî dê dijwar be

Her wiha got:"Me li ser e-hikûmeta elektronîk xebitî. Ger şefafiyek hebe gendelî zehmet dibe ji ber ku hikûmetek burokratîk dê gendeliyê belav bike."

Jin dikarin di hikûmetê de rolek baş bilîzin

“Wekheviya di navbera jin û mêran de li Kurdistanê tiştekî bi baweriya me ye ku jin dikarin roleke baş di hikûmetê de bilîzin.

Têkiliyên xwe bi welatan re xurt bikin

Talebanî got: "Pêwendiyên me bi rêveberiya Amerîkayê re baş in, lê em ne li dijî Îran û Tirkiyê ne. Divê em bi welatên din re têkiliyên xwe xurt bikin."
“Pêwendiyên me bi Kurdên Sûriyê re jî hene û me bi hev re li dijî DAIŞê şer kiriye.
PUKMEDIA