YNK û Gorran pêwendiyên xwe bihêztir dikin

PUKMEDIA

Li bajarê Silêmaniyê YNK û Gorranê civiyan

Tîma hevbeş a Yekîtiya Niştimanî ya Kurdistanê (YNK) û Tevgera Gorranê di hikûmeta xwecihî ya Silêmaniyê de daxuyaniyek belav kir û tê de tekezî li ser bihêzkirina pêwendiyên YNK û Gorranê di nav hikûmet û partiyê de ji bo rûbirûbûna kêşeyan kir.
Di daxuyaniyeke hevbeş de ku ji malpera fermî ya Yekîtiya Niştimanî ya Kurdistanê (YNK) PUKMEDIA re hatiye şandin, YNK û Gorranê behsa reşnivîsa siyaseta karê hevbeş û amadekariyên qonaxên bê kirin.
Nivîsa daxuyaniyê
Daxuyaniya tîma hevbeş a Yekîtiya Niştimanî ya Kurdistanê (YNK) û Tevgera Gorran li Rêveberiya Xwecihî ya Silêmaniyê.
Tîma hevbeş a Tevgera Gorran û Yekîtiya Niştimanî ya Kurdistanê (YNK) li Hikûmeta Xwecihî ya Silêmaniyê ji bo gotûbêjkirina pêşhatên dawî, guhertin û amadekariyên qonaxên bê û baştirkirina peywendiyan civiyan.
Di civîna îro de bi serokatiya  Cîgirê Serokê Herem  Mistefa Seyîd Qadir û Cîgirê Serokwezîr Qubad Talebanî li bajarê Silêmaniyê civiîn her aliyan pêk hat û têda derbarê çawaniya rêkxistina peywendiyan li ser asta parêzgeha Silêmaniyê bi taybetî û Herêma Kurdistanê bi giştî gotûbêj kirin. Her wiha rewşa niha nirxand û li ser danîna siyaseta karê hevbeş û amadekariyên qonaxên bê gotûbêj kirin.
Di civînê de tekezî li ser wê yekê hat kirin ku, pêwîste peywendiyên YNK û Gorranê di nav hikûmet û partiyê de bihêztir bibin daku hêviyên xelkê bi cih bînin û bikarin rûbirûyê kêşeyan bibin û bergiriyê li daxwaz û pêdiviyên rewa yên Silêmaniyê bikin.
PUKMEDIA