Tîma hikûmetê ya Yekîtiya Niştimanî di civîna Encumenê de beşdar dibe

PUKMEDIA

Tîma Yekîtî

Biryare îro Yekşemê bi beşdariya tîma hikûmetê ya Yekîtiya Niştimanî ya Kurdistanê, Encûmena Wezîrên Herêma Kurdistanê civîna xwe ya asayî lidar bixe.

Berdevkê Cîgirê Serokê Hikûmeta Herêma Kurdistanê Semîr Hewramî ji PUKMEDIA re ragihand: Encûmena Wezîrên Herêma Kurdistanê dê îro yekşemê civîna xwe ya asayî lidar bixe û tîma hikûmetê ya Yekîtiya Niştimanî bi serokatiya Qubad Talebanî di civînê de beşdar bibe.
Duşema borî 08.05.2023, Serokwezîrê Herêma Kurdistanê Mesrûr Barzanî pêşwaziya Qubad Talebanî Cîgirê Serokwezîr kir.
Di hevdîtinê de her du alî behsa pirsgirêk û astengiyên îdarî û darayî yên li pêşiya hikûmeta herêmê kirin û her du alî li ser çareser kirina hemû kêşeyan bi rêya diyalog û hevkarî kirina aliyên wezîrên di civata wezîran de lihev kirin.
Her li vê hevdîtinê de behsa pêşhatên dawî yên rewşa siyasî ya navçeyê hate kirin û tekez li ser parastina aramî û yekrêziya navxweyî ji bo parastina berjewendiyên netewî û yekalîkirina mafên destûrî yên welatiyên Herêma Kurdistanê hate kirin.
Ji aliyê xwe ve, Dezgeha Ragihandin û Çapemeniyê ya Hikûmeta Herêma Kurdistanê ragihand ku di civîna civata wezîran de dê gelek mijarên girîng gotûbêj bikin, ji wan pêşhatên dawî yên proseya hinartina petrola Herêma Kurdistanê di çarçoveya rêkeftina di navbera Herêma Kurdistanê û hikûmeta federal de, ji bilî birêkûpêkkirina pirsên darayî yên li herêmê.
Dezgeha Ragihandin û agahiyan amaje bi wê yekê jî kir, ku civata wezîran dê raporta Wezareta Navxwe ya derbarê nirxandina niştimanî ya hikûmeta federal a derbarê metirsiyên şûştina pereyan û perederkirin ji terorê re jî gotûbêj bike.

PUKMEDIA