Washington pêşwaziyê li vegera tîma Yekîtiya Niştimanî bo civînên Encûmenê dike

PUKMEDIA

Logoya qunsilxaneya Amerîka li Hewlêr

Dewletên Yekbûyî yên Amerîkayê pêşwazî li vegera tîma Yekîtiya Niştimanî ya Kurdistanê li Hikûmetê bo civînên Encûmena Wezîran yê Kurdistanê kir.

Qunsulxaneya Amerîka li Hewlêrê di belavokê ku PUKMEDIA şopandibû de got: Piştî ku Partiya Demokat û Yekîtiya Niştimanî gihîştin peymanekê derbarê mijarên girîng, em li benda karê hevbeş û hevsengiyê ji nêz ve digel Hikûmeta Herêma Kurdistanê ne derbarê erkên hevbeş bo bihêzkirina vê pêşkeftiyê.
Civata wezîrên Herêma Kurdistanê duh yekşemî 14.05.2023ê bi serpereştiya Mesrûr Barzanî serokwezîr û bi amadebûna Qubad Talebanî cîgirê serokwezîr û tîma Yekîtiya Nîştimanî ya hikûmeta herêmê civînek li dar xist.
Roja 08.05.2023ê di navbera serokwezîr û cîgirê wî de civînek hat lidarxistin û di civînê de li ser çareserkirina hemû pirsgirêkan bi diyalog û hevkariya di navbera aliyên wezîrên di kabîneya hikûmetê de hat destnîşankirin û tekezî li ser parastina aramî û yekrêziya navxwe ya di nav kabîneya hikûmetê de hat kirin. ji bo parastina berjewendiyên netewî û yekkirina mafên destûrî yên hevwelatiyên herêmê Kurdistan.
Vegera tîma hikûmetê ji bo civînên civata wezîran di asta herêmî û navdewletî de bi kêfxweşî hat pêşwazîkirin û hêvî xwest ku ev yek bibe destpêka çareserkirina pirsgirêkan û karê hevbeş ji bo xizmetkirina zêdetir bo hemwelatiyên Kurdistanê.

PUKMEDIA