Li herêma Raperînê kampanyaya keskbûnê hat ragihandin

PUKMEDIA

Kampanyaya neteweyî ya çandina yek mîlyon dar

Serokê Yekîtiya Niştimanî ya Kurdistanê (YNK) Bafil Celal Talebanî daxwaza çandina milyonek dar dabû ku li ser vê esasê kampanyaya niştimanî di çarçoveya pirojeya lihevhatina Silêmaniyê û keskkirina Kurdistanê despê kiriye  û berdewam e.
Ev car diçe navçeyeke din a Kurdistanê û bi vê mebestê roja Çarşemê 17/5/2023 bi amadebûna rêveberên hejmarek ji berpirsên pêwendîdar, kampaniya çandina daran li daristana Pişder a ser bi rêveberiya Raperînê birêve çû.
Nûnerê Ofîsa Serok Bafil Celal Talebanî Husên Hema Kerîm, kampaniya çandina daran li Dezgeha Daristana Pişder a Rêveberiya Daristana Silêmaniyê wek handanek ji bo zêdekirina rûbera daristanê û dabînkirina xweza û jîngeheke guncaw ji bo vejandina sektora geştiyariyê li herêmê nirxand.
Ji aliyê xwe ve Rêveberê Giştî yê Çandiniyê yê Raperînê Xalid Ehmed Hekîm jî pêşwaziya destpêşxeriya Serok Bafil a bo keskkirina Kurdistanê kir û hewlên Serokê YNKê bilind nirxand û ragihand ku sînorê rêveberiya Raperînê bi taybetî di warê jîngeh û daristanan de pêwîstî bi baldarî heye.
Bi gotina Rêveberê Daristan û Çavkaniyên Silêmaniyê Hawkar Celal, destpêkirina hemleyê li herêma Raperîn ji daristana Pişder dê zêdetir vê daristana kevnar vejîne.Xebatên ji salên 1970’an vir ve hatin destpêkirin, ji bo ku li gorî guherîna avhewayê biguncîne û pirsgirêkên jîngehê kêm bike, ji bo sûdwergirtina ji qadên ku hê nehatine keskkirin gavek din avêtin.
PUKMEDIA