Mijara hilbijartinan dîsa YNK û PDK tîne ba hev

Kurdistan 05:34 PM - 2023-05-18

YNK û PDK

Di berdewamiya gotûbêjên navbera Yekîtiya Niştimanî ya Kurdistanê û Partiya Demokrata Kurdistanê ya derbarê guhertina yasaya hilbijartinên Parlamentoya Kurdistanê de, biryare sibe înê 19.5.2023 her du saziyên hilbijartinan ên her du partiyan bicivin.

Serokê Parlemento beşdare

Endamê Serkirdayetî û Berpirsê Lijneya Hevahengî û Çavdêriyê ya Dezgeha Hilbijartinê ya YNKê Letîf Nêrweyî ji malpera fermî ya YNKê PUKMEDIA re ragihand: “Civîna Dezgeha Hilbijartinan a YNKê û Buroya Hilbijartinê ya PDKê bi amadebûna Rêwaz Faeq  Seroka Parlamentoya Kurdistanê û cîgirê wê di Parlamentoya Kurdistanê de pêk tê.
Letîf Nêrweyî got: Civîn dê berdewamiya civînên berê be û dê li ser xalên ku di navbera her du aliyan de mane û li ser nehatine lihevkirin gotûbêj bikin, bi taybet kursiyên pêkhatan."

YNK hilbijartinên paqij dixwaze

YNK tekezî li ser wê yekê dike ku li Herêma Kurdistanê hilbijartineke paqij û adilane bên kirin hû guhertina zagona hilbijartinê ji bo pêvajoyeke demokratîk e.
Herwiha got: "YNK hêvî dike ku civîn bi encamên erênî bi dawî bibin û Herêma Kurdistanê ber bi hilbijartinên paqij û demokratîk ve biçe."
Got jî: Daxwazên YNKê yên di serrastkirina yasayê de hemû di berjewendiya proseya demokratîk û gelê Herêma Kurdistanê de ne û ti daxwazeke hizbî û kesayetî nîne.
Li gor zanyariyên PUKMEDIAyê, di civîna di navbera Dezgeha Hilbijartinan a YNKê û Mekteba Hilbijartinê ya YNKê de, dê serokê parlamentoyê û cîgirê wî amade bin û şanda YNKê jî bi serokatiya endamê mekteba siyasî û berpirsê dezgeha helbijartinan Rizgar Hacî Hema, dê bi rê ve bibe. Şanda Partiya Karkerên Kurdistanê ) bi serokatiya Berpirsê Buroya Hilbijartinê Rêbwar Yalda ye.
Ev civîn di demekê de ye, ku berî niha YNK û PDKê li ser sererastkirina yasaya hilbijartinan, kursiyên pêkhata  û aktîvkirina komîsyona hilbijartinan li hev kiribûn, lê negihîştine rêkeftina dawî.
Roja 16ê Mijdarê Polîtboruyên  YNK û PDK  li Silêmaniyê civiyan û tekezî li ser wê yekê kirin ku bilez gavên yasayî û siyasî ji bo lidarxistina hilbijartinên Parlamentoya Kurdistanê li gorî dema xwe ya îsal bên avêtin.
PUKMEDIA