Serok Bafil: YNK amadeye rêkeftinê bike û bi Gorranê re bibe yek

Ofîsa Çapemeniyê ya Serok Bafil

Serok Bafil li ser gora Nûşêrvan Mistefa

Serokê Yekîtiya Niştimanî ya Kurdistanê (YNK) Bafil Celal Talebanî bi boneya salvegera koça dawî ya Nûşêrvan Mistefa peyamek belav kir û got:“Ez dixwazim bêjim ku birêz Nûşêrvan Mistefa ne tenê ji bo zarokên xwe, ji bo piraniya gelê Kurdistanê jî bav bû.”
Nivîsa peyamê.
Bi minasebeta salvegera koça dawî ya birêz Nûşêrvan Mistefa yek ji rêhevalên damezrîner ên Yekîtiya Niştimanî ya Kurdistanê û hevalê Serok Mam Celal, serê xwe li ber dîroka paqij ditewînim û vê roja xemgîn bi rêzdarî bi bîr tînin.
Siyasetmedarê Kurd û rêberê şoreşa nû birêz Nûşêrvan Mistefa birmend, dibistaneke nû ya raman, rewşenbîrî, wêrekî û karîzmaya rêxistinî bû ku di hemû qonaxên têkoşîna gelê Kurd de roleke pêşeng lîst û bû parçeyek girîng a serkeftina gelê me di  şerê çekdarî de .
Ez dixwazim bibêjim ku birêz Nûşêrvan ne tenê ji bo zarokên xwe lê ji bo piraniya gelê Kurdistanê jî bavek bû.
Îro ji her demê zêdetir ez dixwazim ji bo Gorranê biaxivim, dema daristaneke mezin wek birêz Nûşêrvan Mistefa  dîrok û nasnameya we be, ez hêviyê dibînim û hêviya pêşerojê jî heye. Ji ber vê yekê divê ev me teşwîq bike ku gavên mezintir bavêjin.
Dema bavekî wek birêz Nûşêrvan çiyayê wêrekiyê bû, li beramber bahozê daristana ewlehiyê bû û siya aramiyê bû, di ramanê de hêviyek da, helbet windabûna wî  bi êş e, lê îman teşwîqek  dike em  berdewam bibin.
Ez êşa bêbaviyê ji bo neviyên wî û Gorranê fam dikim ji ber ku ez û birêz Qubad di wê êşê re derbas bûn.
Hêvîdarim Gorran û YNK ji bo gelê me bibin ew çiya ji ber ku her kes dizane ku di proje û pêngava siyasî ya dawî ya jiyana xwe de Serok Mam Celal û birêz Nûşêrvan  heta xala yekgirtinê gelekî nêzîkî hev bûn û gavên mezin avêtin.
Ez vê salvegerê wek derfetek dibînim ku ji her kesî re ragihînim ku YNK amade ye ber bi rêkeftineke nû û yek girtina gel Gorranê ve biçe.
Gumana min tune ku em dikarin bigihêjin armanc û xeyalên Mam û birêz Nûşêrvan  û bi hev re temam bikin.
Rêya rast a têkoşîn û bidestxistina armancên netewî û Kurdistanî ev e
Hezar silav li ruhê  birêz Nûşêrvan û hemû têkoşer û şehîdên rêya rizgariyê.
Bafil Celal Talabanî
Serokê Yekîtiya Niştimanî ya Kurdistanê
PUKMEDIA