Yekîtiya Niştimanî..piştevan û piştgirê mafên Kurdên Feylî ye

Kurdistan 01:40 PM - 2023-05-21

Kurdên Feylî

Kurdên Feylî di serdema rêjîma hilweşiyayî de rastî tawanên jînosayd û koçberkirina bi darê zorê bê sedem û piştî rûxandina rêjîma hilweşiyayî jî, heta niha jî tûşî hinek pirsgirêkan bûne û heta niha mafên xwe yên rewa bi dest nexistine. Yekîtiya Niştimanî ji bo mafên wan hewil daye.

Yekîtiya Niştimanî piştgiriya mafên Feylî dike

Rêkxerê Encûmena Siyasî ya Feylî birêz Mahêr El-Feylî di daxuyaniyeke taybet de ji PUKMEDIA re dibêje: Yekîtiya Niştimanî ya Kurdistanê piştevanê doza rewa ya Feylî ye û di nav rêzên wê de gelek serkirdeyên Feylî hebûn.
Got jî: Yekîtiya Niştimanî ya Kurdistanê bawerî bi mafên rewa yên Kurdên Feylî û çareser kirina kêşeyên wan heye û serokê nemir mam Celal gelek kar û xebat kir û bi hemû hêza xwe bergirî li doza rewa ya Kurdên Feylî kir û doza wan pejirand û di sala 2012an de Mam Celal biryara Komarî ya hejmar 6 derbarê doza Kurdên Feylî weke tawanên jînosaydê derxist û Yekîtiya Niştimanî ji dema hilweşandina rêjîma Baas ve û heta niha jî heye piştgiriya Kurdên Feylî dike.

Kurdên Faylî rastî tacîzkirinê tên

Mahêr El-Faylî dibêje: Tişta ku kurdên Kerkûkê bi taybetî cotkarên kurd pê diêşin, neheqiyeke nerewa ye li hember wan û divê aliyên Kurdistanî hewlên xwe bo piştevaniya kurdan li navçeyên dabrênrewekan bikin yek.
Got jî: maddeya 140 çareserîya tekez e ji bo girêbestên çandinîyê û dadperwerî ji cotkaran re li deverên kêşebar, û ev pirs bi pêkvejiyana aştiyane û bi palpişta yasayê tên çareser kirin.

Kampînên guhertina demografîk

Mahêr El-Feylî dibêje: Kurd li bajarên Xaneqîn û Mendelî ji aliyê milîsên çekdar ve rastî kampînên guhertina demografîk tên û welatiyên Kurd aciz dikin û wan neçar dikin ku birevin û bajarên xwe bihêlin.
Got jî: kêşeyên mezin li ser hevwelatîyên Kurd ji alîyê Erebên hatîne, bi piştevanîya milîsên çekdar û rêbaza guhertina dîmografî bi şêweyek nû û karekterek dîmoqratî pêk tê.
Yekkirina hewldanên partiyên Kurdistanî
Mahêr el-Faylî dibêje: Divê aliyên Kurdistanî ji bo xatirê Kurdên Feylî hewlên xwe bikin yek û rê li proseya guhertina demografîk û erebkirina navçeyên nakokdar ber bigrin.

Mam Celal çareserkerê pirsgirêkan e

Mahêr El-Faylî dibêje: Eger nemir Mam Celal sax bûya, ev hemû tişt nedihatin kirin û bi saya ezmûna xwe ya siyasî û mezin, bi awayekî sade û bê tengezarî bi pirsgirêkan re mijûl dibû. şehrezayiya wî ya welatparêzî di çareserkirina pirsgirêkan de.

PUKMEDIA