Bi serokatiya Bafil Celal Talebanî emê hêviyê vegerînin bo gelê xwe

PUKMEDIA

Qubad Talebanî

Li bajarê Hewlêrê bi amadebûna balyoz, konsolos, nûnerên dewletan, jimarek ji serokên partiyên  Kurdistanê, cejina pêxistina mûma 48emîn a Yekîtiya Niştimanî ya Kurdistanê,di  merasîmekî  bi heybet de  hat lidarxistin ku  Partiyên Êraqî û hejmarek berpirsên hikûmetê jî amede bûn.
Qubad Talebanî, serpereştyarê sekreteriya serok Mam Celal di gotarekê de ku di merasimê de pêşkeş kir, got: Yekîtiya Niştimanî ya Kurdistanê di demekê de hat damezrandin ku Kurd rûbirûyê qeyranên siyasî yên mezin bibûn û bi damezrandina xwe ve hêvî  ji bo  welatiyan vegerand û bi damezrandina xwe ve armancên xwe li gorî bingehên demokratîk danî û li ser rêbaza xwe ya ku tê de (demokrasî, aştî, mafên mirovan û mafê çarenûsê) berdewam kir.
Got jî: Di sala 2003an de bi rûxandina rejîma Baas a hilweşiyayî, Yekîtiya Niştimanî ya Kurdistanê qonaxeke nû dest pê kir û piştî 10 salan ji ber  pirsgirêkên navxweyî Yekîtiya Niştimanî ya Kurdistanê û piştî nexweşiya Serok Mam Celal û piştre nexoşiya qehremanên gelê  me kak  Kosret Resûl Elî û xanima polayî Hêro Îbrahîm Ehmed ji nexweş ket û neçar ma xwe ji siyasetê dûr bikeve,  lê bi hêzeke nû ya bi serokatiya Bafil  Celal Talabanî  YNKê vegeriya qadan.
Qubad Talebanî daxwaza başkirina rewşa giştî ya Kurdistanê û yekxistina helwêst ji bo çareser kirina pirsgirêkên  li deverê de kir, ji ber ku aboriya herêmê hêza xwe ji aboriya Êraqê werdigire û bê guman herêm di wan waran de  bihêztir dibe di Êraqeke federal de .

Talebanî got:“Îro jî weke sala 1975’an Kurdistan tijî bêhêvîtî ye û peyamên ku ji  xelktên  daxwaza xizmetguzariyê û Kurdistaneke baştir dikin, eşkere ye, di vê çarçoveyê de YNK ne tenê prensîbên xwe nû dike, dê piştgiriya  jinan jî bike, gendeliyê ji holê rake û şefafiyê bîne.YNK di wê baweriyê de ye ku em dikarin bi yekrêziya Bexdayê re aboriyeke bihêz bidest bixin, divê em li Kurdistanê jî yekrêz bin da ku li Bexdayê bihêz bin.”
“YNK’ê hertim diyalogê weke çareseriya pirsgirêkan dîtiye, lewma em tekez dikin, bila niha dest bi diyaloga niştimanî ji bo gel bikin, ji ber ku bûyerên vê dawiyê nîşan didin ku siyaseta koletiyê û ferzkirina îradeya li ser hev, tenê dê bibe sedema têkçûna  kolektîf. Ji ber vê yekê bi amadekariyên birêveçuna hilbijartinan û erê hilbijartin dikin û em radigihînin ku YNK dê ji bo aştî, demokrasî, mafên mirovan û azadiya derbirînê, ji bo civakek bi hêz berdewam be û emê li ser parastina mafê jinan berdewam bin. ‘’Qûbad Talebanî got.
Her wiha  tekez kir: Eger em bikarin mafên xwe yên destûrî li navendê dabîn bikin, em dikarin pêşerojê garantî bikin û amaje bi wê yekê jî kir ku pêwîste hêzên Kurdistanê li hev bikin, daku em li Bexdayê xweşhal bin.
Qubad Talebanî hişyarî da ku siyaseta taybetmendî û serdestiyê ji bilî têkçûn û têkçûnê komel ti encamek dernakeve û tekez kir ku Yekîtiya Niştimanî  hewl dide bi diyalog û jihevtêgihiştinê nakokiyên heyî çareser bike.
PUKMEDIA