Serok Bafil: Partî destwerdana Dadgehê dike

Ofîsa Ragihndina Serok Bafil Celal Talabanî

Serok Bafil

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Balyoza Amerîka li Êraqê Alina Romanowski kir.
Di civînê de ku bi amadebûna Rêfat Ebdulah biryardeyê Mekteba Siyasî  tê de beşdar bû, pêşhatên dawî yên siyasî, aborî û emnî yên li Herêma Kurdistanê û Êraqê hatin gotûbêjkirin û tekezî li ser berdewamiya gotûbêjên niştimanî û avaker ji bo çareserkirina pirsgirêkan û parastina aramiyê li Herêm kirin. 
Serok Bafil Celal Talebanî li ser rewşa Herêma Kurdistanê bi giştî û pirsa helbijartin û serxwebûna dezgeha dadwerî bi taybetî got:"Siyaset û stratejiya YNKê derbarê hilbijartinan de zelal e û ji destpêkê ve em li gel wê yekê bûn ku hilbijartin bên kirin, lê bi awayekî adil û bê destwerdan, ev yek jî bi yasayeke nû û komîsyoneke bihêz dikare were kirin , ne bi qanûneke ku destûrê bide hilbijartinên rûgeş. "Hîn dem maye û pirsgirêk bi lihevkirinê çareser dibe, ev jî daxwaza piraniya aliyên siyasî yên herêmê ye."
Her wiha got: “Mixabin serweriya dadweriyê di bin pirsiyariyê de ye û hizb destêwerdanê di kar de dike, ku ev pêşkeftineke metirsîdare û divê pêşiya wê bê girtin.
Serok Bafil got: “Xebatkirina li gel dostên me yên li Bexdayê û berfirehkirina hevkarî û hevahengiyê di warên curbicur de, faktoreke bihêzkirin û mayîna weke pêkhateyeke bihêz û xizmetkirina zêdetir ji gelê me  re ye”.
Di civînê de Serokê Yekîtiya Niştimanî ya Kurdistanê (YNK) aşkere kir:“Rewşa siyasî ya herêmê îro xizmeta ti aliyekî nake, me ji siyaset û rêveberiyeke saxlem dûr dixe, eger em dev ji zihniyeta ferzkirin û dîktatoriyê bernedin û em nikarin  bi hev re ji bo bidestxistina berjewendiyên netewî kar bikin û nikarin dawî li vê rewşê bînin.
PUKMEDIA