Wezîrê Navxwe yê Êraqê serdana Bîrdariya Şehîdên Helebce kir

PUKMEDIA

Wezîrê Navxwe yê Êraqê gul danîn ser sembola şehîdên Helebce

Wezîrê Navxwe yê Êraqê Ebdulemîr Şamirî îro Înê piştî nîvro serdana parêzgeha Helebce kir û piştgiriya  xwe bo wî bajarî diyar kir.
Di destpêka serdanê de Wezîrê Navxwe yê Êraqê, Cîgirê Wezareta Navxwe û şanda li gel ji aliyê Parêzgarê Helebce Azad Tofîq, Cîgirê Parêzgar, Qayîmaqam û berpirsên leşkerî yên saziyên her du hikûmeta navendî û herêmê ve hatin pêşwazîkirin.
Paşê gul danî li ser sembola şehîdên Helebçeyê û serdana cihên cuda yên wê bîrdariyê kir û serdana nûneratiya parêzgeha Helebce kir û beşdarî civîneke mezin bû.
Azad Tofîq li Ofîsa Parêzgeha Helebce bi xêrhatina beşdaran kir û hêvî xwest ku xwendina sêyem ya proje yasaya bibe parêzgeha Helebce di hikûmeta navendî de bi serkeftî derbas bibe, her wiha yadaştnameyek pêşkêşî Wezîrê Navxwe kir û tê de daxwaza alîkariyê ji bo avakirin û berfirehkirina saziyên girêdayî hikûmeta navendî û bûdce û navê parêzgeha Helebce di proseya dayîna pasaportan de kir.
Ji aliyê xwe ve wezîrê navxwe yê Êraqê spasiya parêzgarê Helebce kir û got: Helebçe bajarekî xweş e û xwedî dîrokeke mezin e, emê hevkariyê bikin.
PUKMEDIA