Talebanî: Em amade ne bi Îspanyayê re giringiyê bidin çandinî û geştiyariyê

PUKMEDIA

Qubad Talebanî û Balyozê Îspaniyayê li Êraqê

Cîgirê Serokwezîr Qubad Talebanî pêşwaziya Balyozê Spanyayê li Êraqê Pedro Martinez kir û di wê hevdîtinê de çawaniya pêşxistina peywendiyên Herêma Kurdistanê û Spanyayê di warên çandinî û geştiyariyê de gotûbêj kirin.
Di civînê de ku roja 13.06.2023ê û bi amadebûna her du parlamenteran Dîlan Xefûr û Xerîb Ehmed hat lidarxistin, behsa pirojeya pêşxistina peywendiyên navbera Kurdistan û Spanyayê di warên çandinî û geştiyariyê de hat kirin. Her du parlamenteran berî niha ligel balyozxaneya Îspanya, Wezareta Çandinî û Desteya Geştûguzariya Herêma Kurdistanê li ser çawaniya cîbicîkirina wê projeyê kar kiribûn.
Di vê çarçoveyê de cîgirê serokwezîr piştgiriya xwe ji bo vê projeyê nîşan da û got:“Hikûmeta Herêma Kurdistanê amade ye her cure asankariyê ji bo kompaniyên Îspanî dabîn bike ku dixwazin hem di warê çandinî û hem jî di warê geştiyariyê de li Kurdistanê sermayesaziyê bikin.
Herwiha di civînê de biryar hat dayîn ku Îspasniya  şêwirmendên taybet di warê geştûguzariyê de pêşkêşî Encûmena Wezîrên Herêma Kurdistanê bike, ji bo ku ji nêzîk ve alîkariya Hikûmeta Herêma Kurdistanê bikin ji bo pêşxistina sektora geştiyariyê, bi taybetî ku niha çend projeyên geştyarî di bin lêkolîn û nirxandinê de ne û biryar e di demek nêzîk de bêne cîbicîkirin.
PUKMEDIA