Pirojeya Yekîtî xizmeta 15 hezar mamoste dike

PUKMEDIA

Xwepêşandana mamosteyan

Yekîtiya Niştimanî ya Kurdistanê bi rêya frakisyona xwe li Bexdayê, ji bo pesendkirina projeyasaya veguhestina mîlakên mamosteyên beşa kurdî li navçeyên nakok ji bo Wezareta Perwerdeya Êraqê, ku 15 hezar mamoste û karmend jê sûdmend bibin.

Parlamentera Fraksiyona YNKê li Parlamentoya Êraqê li ser navê Kerkûkê Sebah Hebîb ji malpera fermî ya Yekîtiya Niştimanî ya Kurdistanê (PUKMEDIA) re ragihand;“Di destpêka avakirina hikûmeta nû ya Êraqê de, Serokê Yekîtiya Niştimanî ya Kurdistanê Bafil Celal Talebanî mijara veguhestina mîlakên mamosteyên Kurd li navçeyên nakok weke daxwazeke YNKê bi nav kir.
Lê mixabin fraksiyona PDKê bi pesendkirina wê proje yasayê razî nebû û pirsgirêk jê re çêkirin.
Hebîb her wiha got: "Tenê fraksiyona YNKê li parlamentoya Êraqê ji bo pesendkirina wê proje yasayê şer kir û em dê berdewam bin li ser piştgiriya mamostayên kurd li navçeyên nakok, me daxwaz ji serokwezîr û serkirdeyên siyasî kiriye ku çareyekê ji vê pirsê re bibînin."  

15 hezar mamoste û fermanbar sûdmend dibin

Li gor zanyariyên PUKMEDIA, 15 hezar mamosta û karmendên beşê kurdî li navçeyên nakok ên Kerkûk, Nînewa û Diyalayê dê ji wê projeyê sûd werbigirin ku di bin kontrola hikûmeta Êraqê de ne.

Fireksiyona Yekîtî piştevanî daxwazên beşî kurdî dike

Ev di demekê de ye ku roja 14-6-2023 mamosteyên beşê kurdî li Kerkûkê xwepêşandan encamp dan û daxuyaniyekê dedaxwaz kirin ku mafên wan ên veguhestina mîlakên xwe bo Wezareta Perwerdeya Êraqê vegerînin, ji ber ku ji aliyê îdarî ve girêdayî rêveberiya perwerdeya Kerkûkê , Selahe Dîn, Diyale û Musilê ye.

  Fraksiyona YNKê li Parlamentoya Iraqê piştevaniya xwe ya temam ji bo daxwazên rewa yên mamosta û karmendên kurd ên navçeyên nakok derbarê veguhestina mîlakên wan bo Wezareta Perwerdeya Iraqê nîşan da û ragihand, ew dê rêkarên din ên yasayî ji bo vegerandina mafên wan bigirin.

PUKMEDIA