Talebanî: Berjewendiyên bilind nabe qurbana berjewendiyên hizbî

Ofîsa Qubad Talebanî

Civîn

Cîgirê Serokwezîr Qubad Talebanî li gel şandeke leşkerî ya Brîtanyayê bi serokatiya Mareşal Samî Sampson Şêwirmendê Berevaniyê yê Birîtanya li Rojhilata Navîn û Bakurê Afrîkayê civiya,tekez kir ku nabe nakokiyên hizbî û pirsgirêkên siyasî bandorê li pêkanîna proseya çaksaziyê li Wezareta Pêşmerge bike û got:’’ Em ê hemû hewlên xwe bidin ji bo ku hêzên Pêşmerge yekrêztir, bihêztir û perwerdetir bibin.’’
Civîna îro 15.06.2023ê li bajarê Hewlêrê û bi amadebûna Rosie Cave Konsula Giştî ya Brîtanya û Fermandar Bextiyar Sekreterê Giştî yê Wezareta Pêşmerge hat lidarxistin,qonaxên pêkanîna proseya çaksaziyê di Wezareta Pêşmerge de hatin gotûbêjkirin.
Qubad Talebanî dilgiraniya xwe li hember rewşa niha û pirsgirêkên navxweyî yên Kurdistanê nîşan da. Divê her kes gef û metirsiyên li pêşiya Herêma Kurdistanê baş fêm bike û berjewendiyên bilind neke qurbana berjewendiyên hizbî û got;’’ nabe destwerdana partiyan û nakokiyên siyasî bandorê li cîbicîkirina plana çaksaziyê bike û proseyê têk bide yan jî sist bike.’’Talebanî got.
Herwiha Talebanî tekez li ser pêkanîna qonaxên çaksaziyê di nav Hêzên Pêşmerge de weke ku hatiye plankirin û daxwaz ji aliyên hevpeymanan jî kir ku di cîbicîkirina plana çaksaziyê de zêdetir hevkar bin daku em hêzên Pêşmerge ji nakokiyên siyasî dûr bikevin û di demeke nêzîk de bibin xwedî hêzeke niştimanî ya bihêztir û perwerdekirî.
PUKMEDIA