Serok Bafil: Êdî jiyan û debara gel ji bo şerê siyasî nayê bikaranîn

Ofîsa Ragihandina Serok Bafil Celal Talabanî

Bafil Celal Talabanî

Serokê Yekîtiya Niştimanî ya Kurdistanê (YNK) Bafil Celal Talebanî li baregeha mekteba siyasî ya bajarê Hewlêrê pêşwaziya Michele Camerota Konsulê Giştî yê Îtalya li Herêma Kurdistanê kir.
Di hevdîtinekê de li gel Derbaz Kosret Resûl kargerê Mekteba Siyasî  û Dr. Rêbwar Îsmaîl endamê serkirdayetiyê amade bû û guftûgo li ser dawîn guhertinên siyasî yên deverê kirin.
Pirsa hilbijartinên Herêma Kurdistanê û pesendkirina projeyasaya bûdceyê mijareke dinê hevdîtinê bû, Serok Bafel Celal Talebanî got:“YNK hêzek e ku li ser parastina stûnên demokrasiyê û lidarxistina hilbijartinên dadmendane, lê di çarçoveya yasayeke guncaw de ku dadperweriyê tê de hebe û bersiva qonax û daxwazên her kesî bide.
Di derbarê bûdceya Êraqê û hewlên pêkanîna dadweriyê de jî Serok Bafil got: “Hemû hewlên me li ser esasê wekhevî û nehiştina cudaxwaziyê bû, her çendî bersiva hemû daxwazên herêmê neda, lê niha em di wê baweriyê de ne ku cîbicîkirina qanûnê wê maf û heqê darayî kurdan dabîn bike û êdî jiyana gel ji bo şerê siyasî neyê bikaranîn."
Di hevdîtinê de Serok Bafil ji ber wefata Serokwezîrê berê yê Îtalya Silvio Berlusconi sersaxî ji Konsul û gelê Îtalyayê re xwest û hevxemiya xwe jî ji bo kesûkarên wî  diyar kir.
PUKMEDIA